Qazaqstan Elshisi Bolat Núsipov Braziliia Prezidenti Jair Bolsonarýǵa senim gramotalaryn tapsyrdy, dep habarlaidy "Ult aqparat" QR SIM baspasóz qyzmetine silteme jasap.
«Planaltý» saraiyndaǵy saltanatty rásimnen keiin ótken ekijaqty kezdesýde diplomat suhbattasýshysyna Prezident Qasym-Jomart Toqaevtyń jyly lebizin jáne izgi tilekterin jetkizdi.
Taraptar ekijaqty yntymaqtastyqtyń keń aýqymdy máselelerin talqylap, eki memleket arasyndaǵy saiasi dialogtyń turaqtylyǵyn, saýda-ekonomikalyq jáne investitsiialyq yntymaqtastyqty damytý úshin eleýli áleýetti, sondai-aq kópjaqty alańdardaǵy ózara is-áreketterdi atap ótti. B.Núsipov Qazaqstannyń aýyl sharýashylyǵy, taý-ken jáne óńdeý ónerkásibi, ózara saýda salasyndaǵy ózara is-qimyldy keńeitýge jáne Qazaqstan ekonomikasyna braziliialyq investitsiialardy tartýǵa múddeliligin atap ótti.
Óz kezeginde J.Bolsonarý oǵan joldanǵan jyly quttyqtaý tilekteri úshin rizashylyǵyn bildirip, Prezident Qasym-Jomart Toqaevqa Qazaqstan halqynyń igiligi úshin shyn júrekten odan ári tabysqa jetýdi shynaiy tilekterin jetkizdi. Sonymen katar, Braziliia Prezidenti óz eliniń Qazaqstanmen ekijaqty jáne kópjaqty yntymaqtastyqtyń barlyq salalarynda belsendi ózara árekettesýge daiyn ekendigin bildirdi.
