Hofbýrg saraiynda Qazaqstan Elshisi Qairat Omarov Aýstriianyń Federaldyq Prezidenti Aleksandr Van der Bellenge senim gramotalaryn tapsyrdy, dep habarlaidy "Ult aqparat" QR SIM baspasóz qyzmetine silteme jasap.
Saltanatty rásimnen keiin ótken kezdesý barysynda otandyq diplomat Prezident Qasym-Jomart Toqaevtyń aýstriialyq áriptesine joldaǵan jyly lebizderi men izgi tilekterin jetkizip, Qazaqstannyń atalǵan elmen ekijaqty yntymaqtastyqty odan ári nyǵaitýǵa úlken mán beretinin habarlady.
Elshi suhbattasýshysyn Memleket basshysynyń elimizdiń odan ári demokratiialandyrýǵa baǵyttalǵan jańa reformalarymen, Qazaqstannyń Tuńǵysh Prezidenti – Elbasy Nursultan Nazarbaevtyń iadrolyq qarýsyzdaný men ony taratpaýdy alǵa jyljytatyn jańa bedeldi jahandyq alań retinde Kóshbasshylardyń iadrolyq qarýsyz álem úshin jahandyq aliansyn qurý týraly bastamasymen tanystyrdy.
Óz kezeginde, A. Van der Bellen Qazaqstan Prezidentine jyly tilekterin joldap, Aýstriia Qazaqstandy mańyzdy ári senimdi seriktesi retinde qarastyryp, Venanyń tyǵyz jáne jan-jaqty yntymaqtastyqty damytýǵa múddeliligin atap ótti.
Kezdesý sońynda Aýstriia Prezidenti Elshini qyzmetiniń resmi bastalýymen quttyqtap, ekijaqty qatynastardy odan ári nyǵaitý isine tabys tiledi.
