4 sáýirde Aq úide ótken protokoldyq is-shara barysynda Qazaqstannyń AQSh-taǵy elshisi Erjan Ashyqbaev AQSh prezidenti Djozef Baidenmen qysqasha suhbat ótkizdi, - dep habarlaidy "Ult aqparat" SIM baspasóz qyzmetine silteme jasap.
Onyń barysynda qazaqstandyq diplomat Prezident Qasym-Jomart Toqaevtyń iltipat lebizin jetkizip, Qazaqstan men AQSh arasyndaǵy keńeitilgen strategiialyq áriptestikti ilgeriletýge beiildiligin atap ótkeni habarlandy.
"Óz kezeginde, amerikalyq basshy ekijaqty jáne aimaqtyq kún tártibindegi ózekti máseleler boiynsha eki el arasyndaǵy syndarly seriktestiktiń jalǵasýyn oń qabyldaitynyn málimdedi", - dedi SIM ókilderi.
Sondai-aq Qazaqstan syrtqy ister ministrligi men AQSh-tyń Qazaqstandaǵy elshiligi "Atameken" Ulttyq kásipkerler palatasynyń qoldaýymen Qazaqstannyń bank sektorynyń ókilderi men kásipkerler, sondai-aq Qazaqstanda filialy bar shetelik kompaniialar úshin sanktsiialyq máseleler jóninde kezekti Qazaqstan-Amerika onlain-konsýltatsiialaryn ótkizdi.
Is-sharanyń maqsaty AQSh sanktsiialarynyń qazaqstandyq biznes pen ekinshi deńgeili bankterdiń qyzmetine yqpalyn, sondai-aq syrtqy saýdaǵa keri áserin azaitýǵa baǵyttalǵan.
Amerikalyq diplomattar AQSh sanktsiialary, sanktsiialar rejiminde biznes jáne seriktestermen tranzaktsiia júrgizý erekshelikteri týraly túsindirý jumystaryn júrgizdi.
Taraptar Qazaqstan ekonomikasyna sanktsiia saldaryn azaitý boiynsha yntymaqtastyqty jalǵastyrý jóninde kelisti.
