- Belarýstaǵy Qazaqstan Elshiliginiń aǵa býhgalteri A. Seidýaliev ustaldy, dep habarlaidy Ult.kz tilshisi QazAqparat agenttigine silteme jasap.
Qazaqstannyń Ulttyq jemqorlyqqa qarsy is-qimyl biýrosynyń aqparatyna qaraǵanda, ol 2012-2015 jyldary aralyǵynda Elshilik ǵimaratynyń qurylysyn júrgizdi degen jeleýmen bas merdiger «Aktivbiznespliýs» AAQ-qa jalǵan shyǵys kassalyq orderler jasaý jolymen biýdjettiń 207 myń dollar qarjysyn urlaǵan.
Munan bólek, Seidýaliev atalǵan kezeńde Belarýs Respýblikasynyń salyq organdarynan qaitarylǵan QQS retinde Elshilikke túsken 474 883 AQSh dollaryn da iemdengen. Urlanǵan qarjynyń jalpy somasy 681 883 dollardy quraidy.
Qazirgi ýaqytta A.Seidýaliev QR QIK 128-babyna sáikes Astana qalalyq IID-niń ýaqytsha oqshaýlaǵyshyna qamaldy. Sotqa deiingi tergeý amaldary júrgizilýde.
