Foto: bangkokbook.ru
Ulybritaniia jáne Soltústik Irlandiia Birikken Koroldigindegi Qazaqstan elshiligi Qazaqstandyqtarǵa Ulybritaniianyń birqatar qalalaryna barmaýdy usyndy.
Qazaqstan elshiligi eldegi jaǵdai turaqtanǵanǵa deiin kelmeýdi usyndy.
"Qazaqstannyń Ulybritaniiadaǵy elshiligi atalǵan eldiń birqatar óńirlerindegi jaǵdaidyń shielenisýine bailanysty Qazaqstan azamattaryna Roterhem, Bolton, Blekpýl, Hall, Bristol, Stok-on-Trent, Belfast, Manchester jáne Liverpýl qalalarynyń mańyndaǵy qalalarǵa osy óńirlerdegi jaǵdai turaqtanǵanǵa deiin ýaqytsha barýdan bas tartýdy usynady", – delingen habarlamada.
Qazirgi ýaqytta osy qalalarda júrgen Qazaqstan azamattarynan kúsheitilgen qaýipsizdik sharalaryn saqtaýdy, qyraǵylyq pen saqtyq tanytýdy, adam kóp jinalatyn jerlerge barmaýdy suraimyz. Sondai-aq sońǵy jańalyqtardy baqylap otyrýdy jáne Ulybritaniia úkimetimen bailanysta bolýdy suraidy.
Qosymsha jáne ýaqtyly aqparat alý úshin Ulybritaniiada ornalasqan Qazaqstannyń azamattary men olardyń Qazaqstandaǵy týystary úshin jedel járdem jelisi jumys isteidi.
Aita keteiik, buǵan deiin 29 shilde kúni Saýtportta bi stýdiiasyndaǵy balalar óliminen keiin Ulybritaniianyń birneshe qalasynda turǵyndar narazylyqqa shyqqan edi. Ulybritaniianyń birneshe qalasynda turǵyndar narazylyqqa shyqqan. Keibir eldi mekenderde demonstranttar men politsiia arasynda qaqtyǵystar bolǵan. Saldarynan politsiia qyzmetkerleri jaralandy.
Narazylyq Hall, Liverpýl, Bristol, Manchester, Stok-on-Trent, Blekpýl, Belfast qalalarynda ótken. Sherýge qatysýshylar dúkenderdi qiratyp, politsiia qyzmetkerlerine shabýyl jasaǵan. Kei jerlerde sherý beibit túrde ótken.
.jpg)