Qazaqstan eksportynyń 51 paiyzyn shiki munai men munai ónimderi qurap otyr. Bul týraly QR Parlamenti Senaty tóraǵasynyń orynbasary Nurlan Ábdirov aitty, dep habarlaidy QazAqparat.
«Memleket eksportqa baǵdarlanǵan kásiporyndarǵa 20-ǵa jýyq qarjylyq jáne qarjylyq emes qoldaý is-sharalaryn kórsetýde. Ishki naryqty otandyq taýarlarmen molyqtyrý jáne bizdiń taýar óndirýshilerimiz úshin qolaily jaǵdailardy qamtamasyz etý maqsatynda Úkimet Ulttyq taýar ótkizý júiesin qurý boiynsha belsendi jumys júrgizýde, onyń sheńberinde óńirlerde kóterme-taratý ortalyqtary jelisin qurý kózdelgen. Bul óz kezeginde áleýmettik mańyzy bar azyq-túlik taýarlarynyń baǵasyn turaqtandyrýǵa oń áser etýi tiis», - dedi ol Senatta ótip jatqan Úkimet saǵatynda.
Osy rette Senat tóraǵasynyń orynbasary saladaǵy oń úrdiske qaramastan sheshýdi talap etetin birqatar júieli problema oryn alyp otyrǵanyn aitty.
«Birinshiden, kóleńkeli saýda eleýli úleske ie bolyp keledi. Sarapshylardyń pikirinshe, kóleńkeli saýda jalpy saýda kóleminiń jartysyna jýyǵyn quraidy. Ekinshiden, qazaqstandyq eksporttyń negizin burynǵydai otyn-energetika taýarlary, al importty joǵary deńgeide qaita óńdeý taýarlary qurap otyr. Qazaqstannyń basty eksporttyq taýary - aqshalai balamada eksporttyń jalpy kóleminiń 51,5 paiyzyn alatyn shiki munai men munai ónimderi. Importty kóbinese óńdelgen ónimder, daiyn azyq-túlik taýarlary quraidy. Mashinalar, jabdyqtar, kólik quraldary import qurylymynyń 41 paiyzyn alady. Qazaqstannyń eksporty týraly aitatyn bolsaq, eksporttyń taýarlyq ártaraptandyrylýy aitarlyqtai tómen deńgeide qalyp otyrǵanyn atap ótken jón», - dedi Nurlan Ábdirov.
Onyń atap ótýinshe, elimizdiń eksportynyń 50 paiyzy Qytai, Italiia, Resei jáne Niderlandyǵa tiesili bolyp otyr.
Osylaisha, qazaqstandyq eksporttyń sanaýly elder tobymen shektelgendigi baiqalady. Bul rette importtyń 62 paiyzy eki elge – Reseige jáne Qytaiǵa tiesili», - dedi Senat tóraǵasynyń orynbasary.
