Biylǵy segiz aida Qazaqstannan eksporttalǵan taýarlardyń baǵasy 11,6% tómen boldy, al import 2,2% qymbat kelgen, dep habarlaidy "Ult aqparat".
QR Ulttyq ekonomika ministrligi Statistika komitetiniń aqparatyna sáikes, biylǵy tamyz aiynda onyń aldyńǵy aimen salystyrǵanda eksporttyq jetkizilimder baǵasy munaiǵa – 10,1%, mysqa – 9,7%, myryshqa – 9%, qorǵasynǵa – 6%, myrysh kenderine – 4,4%, ferroqorytpalarǵa 0,8% joǵarylady. Baǵa sondai-aq arpaǵa – 1,8%, bidaiǵa 1,1% joǵarylaǵany tirkeldi.
Importtalatyn ónimderden kókónister – 6,1%, jemister men jańǵaqtar – 4,6%, qant – 1,6%, qus eti – 1,5%, balyq 1% qymbattady. Al kúrish – 9,4%, ósimdik maiy – 5,9%, temeki – 3,2%, kofe – 2,5%, shujyq ónimderi – 1,4%, makaron ónimderi – 1,3%, shai 0,3% arzandady. Sondai-aq baǵa bylǵary shikizatyna – 3%, aiaqkiimge, qaǵazǵa – 2,7%-dan, mashinalar, jabdyqtar jáne kólik quraldaryna 0,7% joǵarylady. Farmatsevtikalyq ónimderge – 6,9%, súrekke – 1,1%, qurylys materialdaryna 0,2% tómendedi.
