Ýkrainanyń ainalasyndaǵy jaǵdaiǵa jáne soǵan bailanysty logistikalyq qiyndyqtardyń týyndaýyna qatysty qazaqstandyq eksporttaýshylarǵa júkterin elimizdiń teńiz porttary arqyly jáne odan ári Transkaspii halyqaralyq kólik baǵytymen jóneltý múmkindigin paidalaný usynyldy, dep habarlaidy QazAqparat.
«Júrgizilgen kelissózderdiń qorytyndysynda «Arselor Mittal Temirtaý» AQ 50 myń tonnaǵa jýyq metall ónimin Aqtaý portyna qaita baǵdarlap, ári qarai Ázerbaijan men Grýziia arqyly jóneltýge daiyn ekenin bildirdi.
Qazaqstan teńiz porttarynyń jalpy ótkizý qabileti jylyna 23,7 mln tonnany quraidy», - dedi ministrlikten.
Atap aitqanda:
– Aqtaý porty – 14,7 mln tonna (munai – 9,5 mln, qurǵaq júkter - 2,5 mln, astyq – 0,7 mln, paromdyq júkter - 2 mln tonna);
- Quryq porty - 6 mln tonna (temirjol terminaly - 4 mln, avtoterminal – 2 mln);
- Aqtaý soltústik teńiz terminaly - 3 mln tonna (qurǵaq júkter men astyq 1,5 mln tonnadan) júk ótkize alady.
Sonymen qatar qazirgi ýaqytta elimizdiń teńiz porttaryna 18 mln tonnaǵa deiin júkti qaita baǵdarlaýǵa bolady.
Qazaqstan porttarynda, sondai-aq bir ýaqytta júkterdiń belgili bir kólemin saqtaýǵa bolady. Onyń ishinde:
- Aqtaý porty - 2,5 myń konteiner, 25 myń tonna astyq, 220 myń bas júk;
- Quryq porty - 250 júk kóligin;
- Aqtaý soltústik teńiz terminaly - 6 myń konteiner, 60 myń tonna astyq, 170 myń tonna basty júkti (oramada tasymaldanatyn jeke júkter men taýarlar) saqtai alady.
Qosymsha aqparat alý úshin «jedel jeli» telefondaryna habarlasýǵa bolady:
Aqtaý porty
Kommertsiialyq jumys bólimi: +7 (7292) 44 51 27, +7 775 362 72 73
Marketing jáne satý bólimi: +7 (7292) 44 51 51.
Quryq porty
Marketing jáne satý bólimi: +7 705 169 04 44, +7 776 025 77 77, +7 707 199 77 77
Aqtaý soltústik teńiz terminaly
Ekspeditsiialaý qyzmeti: +7 (7292) 20 38 78 (1024)
Kólik-ekspeditorlyq qyzmeti: +7 (7292) 20 38 78 (1028)
Marketing bólimi: +7 (7292) 20 38 78 (1042).
