Ótken jylǵy on bir aida eksporttalatyn taýarlarǵa baǵa 11,9 paiyzǵa tómendep, importtalatyn taýarlar 4,6 paiyzǵa joǵarylady. Mundai aqparatty QR Strategiialyq josparlaý jáne reformalar agenttiginiń Ulttyq statistika biýrosy usyndy, dep habarlaidy "Ult aqparat".
Vedomstvo málimetinshe, 2020 jylǵy qarashada qazan aimen salystyrǵanda eksporttyq jetkizilimder baǵasy temir kenderine – 9,7, qorǵasynǵa – 5,6, munaiǵa 2,9 paiyz tómendedi. Qara metall ilegine – 6,5, mys kenderine – 5,3, ferroqorytpalarǵa – 2, myryshqa 0,2 paiyz joǵarylady. Sonymen qatar baǵanyń bidaiǵa 0,2 paiyz tómendeýi, olardyń jarmalarǵa – 12,9, júnge – 3,1, kúrishke – 1,2, unǵa 0,6 paiyz joǵarylaýy tirkeldi.
«Importtalatyn ónimderden ósimdik maiy – 12,3, qant – 2,8, kúrish – 2,2, jemister men jańǵaqtar 1,8 paiyzǵa qymbattady. Qus eti – 8,3, temeki – 4,6, kókónister – 3,3, kofe – 1,2, shai 0,2 paiyzǵa arzandady. Baǵa súrekke – 1,7, mashinalar, jabdyqtar jáne kólik quraldaryna – 1, aiaq kiimge 0,5 paiyz joǵarylady. Qaǵazǵa – 2,3, bylǵary shikizatyna – 1,1, qurylys materialdaryna – 0,6, tekstil ónimderine 0,4 paiyz tómendedi», - dep atap ótedi biýrodan.
