ٶتكەن جىلعى ون بٸر ايدا ەكسپورتتالاتىن تاۋارلارعا باعا 11,9 پايىزعا تٶمەندەپ, يمپورتتالاتىن تاۋارلار 4,6 پايىزعا جوعارىلادى. مۇنداي اقپاراتتى قر ستراتەگييالىق جوسپارلاۋ جەنە رەفورمالار اگەنتتٸگٸنٸڭ ۇلتتىق ستاتيستيكا بيۋروسى ۇسىندى, دەپ حابارلايدى "ۇلت اقپارات".
ۆەدومستۆو مەلٸمەتٸنشە, 2020 جىلعى قاراشادا قازان ايمەن سالىستىرعاندا ەكسپورتتىق جەتكٸزٸلٸمدەر باعاسى تەمٸر كەندەرٸنە – 9,7, قورعاسىنعا – 5,6, مۇنايعا 2,9 پايىز تٶمەندەدٸ. قارا مەتالل يلەگٸنە – 6,5, مىس كەندەرٸنە – 5,3, فەرروقورىتپالارعا – 2, مىرىشقا 0,2 پايىز جوعارىلادى. سونىمەن قاتار باعانىڭ بيدايعا 0,2 پايىز تٶمەندەۋٸ, ولاردىڭ جارمالارعا – 12,9, جٷنگە – 3,1, كٷرٸشكە – 1,2, ۇنعا 0,6 پايىز جوعارىلاۋى تٸركەلدٸ.
«يمپورتتالاتىن ٶنٸمدەردەن ٶسٸمدٸك مايى – 12,3, قانت – 2,8, كٷرٸش – 2,2, جەمٸستەر مەن جاڭعاقتار 1,8 پايىزعا قىمباتتادى. قۇس ەتٸ – 8,3, تەمەكٸ – 4,6, كٶكٶنٸستەر – 3,3, كوفە – 1,2, شاي 0,2 پايىزعا ارزاندادى. باعا سٷرەككە – 1,7, ماشينالار, جابدىقتار جەنە كٶلiك قۇرالدارىنا – 1, اياق كيٸمگە 0,5 پايىز جوعارىلادى. قاعازعا – 2,3, بىلعارى شيكٸزاتىنا – 1,1, قۇرىلىس ماتەريالدارىنا – 0,6, تەكستيل ٶنٸمدەرٸنە 0,4 پايىز تٶمەندەدٸ», - دەپ اتاپ ٶتەدٸ بيۋرودان.
