2021 jyldyń 4 aiynyń qorytyndysynda Qazaqstan ekonomikasy ósý jolyna tústi. Bul týraly búgin Úkimet otyrysynda QR Premer-Ministri Asqar Mamin aitty, dep habarlaidy QazAqparat.
«Biylǵy 4 aidyń qorytyndysy boiynsha Qazaqstan ekonomikasy ósý jolyna tústi. Qabyldanǵan sharalardyń arqasynda ekonomikanyń, onyń ishinde, qyzmetter men taýarlar óndirisinde ósýdiń oń qarqyny qamtamasyz etildi. Osy jylǵy qańtar-sáýirdegi ulttyq óndiristiń ósý qarqyny 0,7 paiyzdy qurady. Ekonomikanyń qalpyna kelý serpini óndiristiń barlyq salalarynda baiqaldy. Jalpy ishki ónimniń ósýine shikizattyq emes sektor eń úlken úles qosty. Biylǵy jylǵy 4 aidyń nátijesi boiynsha óńdeý ónerkásibinde ósý 7,7 paiyzdy qurady. Bul - sońǵy 10 jyldaǵy eń joǵary ósim qarqyny», - dedi Úkimet basshysy.
Onyń atap ótýinshe, mashina jasaýda 20,6 paiyz, onyń ishinde avtomobil jasaýda 25,4, lokomotivter men vagondar óndirisinde 49,7, elektr quraldarynyń óndirisinde 10,2, kompiýterler, elektrondy jáne optikalyq quraldar óndirisinde 52,3 paiyz dengeiinde joǵary ósý qarqyny baiqaldy.
Sondai-aq óńdeý sektorynda himiia ónerkásibi, jeńil ónerkásip, onyń ishinde kiim óndirisi; metallýrgiia, onyń ishinde tústi jáne qara metallýrgiia; tamaq ónimderi, farmatsevtika jáne munai óńdeý siiaqty salalar joǵary serpin kórsetti.
Qurylys sektorynda qurylys materialdarynyń óndirisin 26,5, qurylysty 12,5 jáne turǵyn úidi paidalanýǵa berýdi 13,3 paiyz nemese 3,5 mln sharshy metrdi qosa alǵanda, ósýdiń joǵary qarqyny qamtamasyz etildi.
Aýyl sharýashylyǵynda ósý qarqyny 3 paiyzdy qurady.
«Salanyń tartymdylyǵy ósýiniń arqasynda negizgi kapitalǵa salynǵan investitsiia - aýyl sharýashylyǵy men tamaq ónimderiniń óndirisinde 50 paiyzdan astam artty. Taý-ken óndirisin esepke almaǵanda, ekonomikada negizgi kapitalǵa salynǵan investitsiia 32,3 paiyzǵa ósti. Ekonomika ósiminiń asa mańyzdy faktorlarynyń biri - qyzmet kórsetý sektoryndaǵy oń dinamika boldy. Saýda, bailanys, jyljymaityn múlikpen operatsiialar, qarjy jáne saqtandyrý qyzmeti siiaqty kórsetiletin qyzmetter salalarynda oń ósý qarqyny baiqalady», - dedi Asqar Mamin.
