2021 جىلدىڭ 4 ايىنىڭ قورىتىندىسىندا قازاقستان ەكونوميكاسى ٶسۋ جولىنا تٷستٸ. بۇل تۋرالى بٷگٸن ٷكٸمەت وتىرىسىندا قر پرەمەر-مينيسترٸ اسقار مامين ايتتى, دەپ حابارلايدى قازاقپارات.
«بيىلعى 4 ايدىڭ قورىتىندىسى بويىنشا قازاقستان ەكونوميكاسى ٶسۋ جولىنا تٷستٸ. قابىلدانعان شارالاردىڭ ارقاسىندا ەكونوميكانىڭ, ونىڭ ٸشٸندە, قىزمەتتەر مەن تاۋارلار ٶندٸرٸسٸندە ٶسۋدٸڭ وڭ قارقىنى قامتاماسىز ەتٸلدٸ. وسى جىلعى قاڭتار-سەۋٸردەگٸ ۇلتتىق ٶندٸرٸستٸڭ ٶسۋ قارقىنى 0,7 پايىزدى قۇرادى. ەكونوميكانىڭ قالپىنا كەلۋ سەرپٸنٸ ٶندٸرٸستٸڭ بارلىق سالالارىندا بايقالدى. جالپى ٸشكٸ ٶنٸمنٸڭ ٶسۋٸنە شيكٸزاتتىق ەمەس سەكتور ەڭ ٷلكەن ٷلەس قوستى. بيىلعى جىلعى 4 ايدىڭ نەتيجەسٸ بويىنشا ٶڭدەۋ ٶنەركەسٸبٸندە ٶسۋ 7,7 پايىزدى قۇرادى. بۇل - سوڭعى 10 جىلداعى ەڭ جوعارى ٶسٸم قارقىنى», - دەدٸ ٷكٸمەت باسشىسى.
ونىڭ اتاپ ٶتۋٸنشە, ماشينا جاساۋدا 20,6 پايىز, ونىڭ ٸشٸندە اۆتوموبيل جاساۋدا 25,4, لوكوموتيۆتەر مەن ۆاگوندار ٶندٸرٸسٸندە 49,7, ەلەكتر قۇرالدارىنىڭ ٶندٸرٸسٸندە 10,2, كومپيۋتەرلەر, ەلەكتروندى جەنە وپتيكالىق قۇرالدار ٶندٸرٸسٸندە 52,3 پايىز دەنگەيٸندە جوعارى ٶسۋ قارقىنى بايقالدى.
سونداي-اق ٶڭدەۋ سەكتورىندا حيمييا ٶنەركەسٸبٸ, جەڭٸل ٶنەركەسٸپ, ونىڭ ٸشٸندە كيٸم ٶندٸرٸسٸ; مەتاللۋرگييا, ونىڭ ٸشٸندە تٷستٸ جەنە قارا مەتاللۋرگييا; تاماق ٶنٸمدەرٸ, فارماتسەۆتيكا جەنە مۇناي ٶڭدەۋ سيياقتى سالالار جوعارى سەرپٸن كٶرسەتتٸ.
قۇرىلىس سەكتورىندا قۇرىلىس ماتەريالدارىنىڭ ٶندٸرٸسٸن 26,5, قۇرىلىستى 12,5 جەنە تۇرعىن ٷيدٸ پايدالانۋعا بەرۋدٸ 13,3 پايىز نەمەسە 3,5 ملن شارشى مەتردٸ قوسا العاندا, ٶسۋدٸڭ جوعارى قارقىنى قامتاماسىز ەتٸلدٸ.
اۋىل شارۋاشىلىعىندا ٶسۋ قارقىنى 3 پايىزدى قۇرادى.
«سالانىڭ تارتىمدىلىعى ٶسۋٸنٸڭ ارقاسىندا نەگٸزگٸ كاپيتالعا سالىنعان ينۆەستيتسييا - اۋىل شارۋاشىلىعى مەن تاماق ٶنٸمدەرٸنٸڭ ٶندٸرٸسٸندە 50 پايىزدان استام ارتتى. تاۋ-كەن ٶندٸرٸسٸن ەسەپكە الماعاندا, ەكونوميكادا نەگٸزگٸ كاپيتالعا سالىنعان ينۆەستيتسييا 32,3 پايىزعا ٶستٸ. ەكونوميكا ٶسٸمٸنٸڭ اسا ماڭىزدى فاكتورلارىنىڭ بٸرٸ - قىزمەت كٶرسەتۋ سەكتورىنداعى وڭ ديناميكا بولدى. ساۋدا, بايلانىس, جىلجىمايتىن مٷلٸكپەن وپەراتسييالار, قارجى جەنە ساقتاندىرۋ قىزمەتٸ سيياقتى كٶرسەتٸلەتٸن قىزمەتتەر سالالارىندا وڭ ٶسۋ قارقىنى بايقالادى», - دەدٸ اسقار مامين.
