2026 jyldyń qańtar–sáýir ailarynda Qazaqstannyń jalpy ishki ónimi (JIÓ) 3,6%-ǵa ósti, dep habarlaidy Ult.kz.
Ulttyq statistika biýrosynyń aldyn ala derekterine sáikes, eldegi ónerkásip óndirisiniń naqty kólem indeksi 102,1%-dy quraǵan. Ekonomikanyń qalpyna kelýine negizgi serpin bergen salalardyń biri – óńdeý ónerkásibi. Bul sektordaǵy óndiris kólemi 9,9%-ǵa artqan.
Mashina jasaý salasy 23,3%-dyq ósim kórsetti. Buǵan kólik quraldaryn, aýyl sharýashylyǵy jáne temirjol tehnikasyn, sondai-aq elektr taýarlary men jabdyqtaryn óndirý kóleminiń ulǵaiýy áser etken.
Jeńil ónerkásip óndirisi 2,3 esege ósken. Sonymen qatar:
- – jihaz óndirisi – 41,7%-ǵa;
– farmatsevtika – 35,2%-ǵa;
– qurylys materialdary óndirisi – 27,7%-ǵa;
– himiia ónerkásibi – 18,4%-ǵa;
– azyq-túlik óndirisi – 14,4%-ǵa artqan.
Jyl basynan bergi tórt aida ekonomikanyń oń dinamikasy bazalyq salalardaǵy turaqty ósim esebinen qamtamasyz etilgen.
Eń joǵary ósim myna salalarda tirkeldi:
- – qurylys – 114,5%;
– kólik jáne qoimalaý – 112%;
– óńdeý ónerkásibi – 109,9%;
– saýda – 105,1%;
– aýyl sharýashylyǵy – 103,6%.
Sarapshylardyń aitýynsha, JIÓ ósiminiń qazirgi qurylymy shikizattyq emes sektorlardyń, ásirese qurylys, kólik, saýda jáne óńdeý ónerkásibiniń róliniń kúsheigenin kórsetedi.
