© Photo : Ofitsialnyi telegram-kanal Air Astana
Taiaý Shyǵystaǵy jaǵdaidyń shielenisýine bailanysty qazaqstandyq áýe kompaniialary reisterdi ýaqytsha toqtatty, dep habarlady kólik ministrligi.
Áýe kompaniialary qabyldaǵan sheshim halyqaralyq tájiribege sáikes qabyldandy
Ministrlik málimetinshe, Taiaý Shyǵystaǵy áskeri-saiasi ahýaldyń kúrt shielenisýine bailanysty birqatar elde resmi túrde shekteýler engizilip, azamattyq aviatsiiaǵa arnalǵan áýe keńistikteri jabyldy.
"Májbúrli sharalar qarý qoldaný qaýpi, navigatsiialyq júielerdiń durys jumys istemeýi, áýe qorǵanysy júieleriniń belsendiligi jáne azamattyq áýe kemeleriniń ushýy úshin joǵary táýekelderge bailanysty qabyldandy", - dep habarlady ministrliktegiler.
Osyǵan bailanysty qazaqstandyq áýe kompaniialary qaýipsizdikti qamtamasyz etý maqsatynda Dýbai men Doha qalalaryna birqatar reisti ýaqytsha toqtatty.
Demek, elimizden shetelge shyqpaqshy adam sany 683 bolsa, shetelden elge oralatyn adam sany — 1051. Jalpy alǵanda bul jaǵdai 1 734 jolaýshyǵa áser etti.
Sońǵy málimetke sáikes, shekteýler kelesi elderde qoldanylady:
Izrail áýe keńistigi tolyq jabyq;
Iran áýe keńistigi tolyq jabyq (onyń ishinde Parsy jáne Oman shyǵanaqtary);
Irak, Iordaniia, Livan — zymyran men dron shabýyl qaýpine sáikes ushýlardy ýaqytsha shekteý;
Kýveit, Bahrein, BAÁ — reisterdi shekteý jáne toqtatý, ishinara qaqtyǵys aimaǵyna jaqyn marshrýttardy buǵattaý.
Basqa elderdiń áýe kompaniialary qandai sheshim qabyldady
Áýe kompaniialary qabyldaǵan sheshim halyqaralyq tájiribege sáikes qabyldandy.
Iri halyqaralyq aviatasymaldaýshylar da reisterdi ýaqytsha toqtatty. Olardyń qatarynda Air France-KLM, United, American Airlines, Japan Airlines, Air Canada Dýbai, Doha jáne Er-Riiadqa ushýdy toqtatty.
Qatar Airways ushý kestesin retteidi.
Etihad resmi eskertý jasady.
Emirates qaqtyǵys aimaǵyn ainalyp, ushýdy jalǵastyryp jatyr.
Jolaýshylarǵa qandai jaǵdai jasalady
Qazaqstandyq aviakompaniialardyń Parsy shyǵanaǵy elderine ushýǵa baǵyttalǵan reisterdi toqtata turýy aimaqtaǵy áskeri-saiasi jaǵdaidyń kúrt shielenisýine negizdelgen májbúrli shara.
Basty maqsat — jolaýshylar men ekipaj músheleriniń qaýipsizdigin qamtamasyz etý.
Qoldanystaǵy zańnamaǵa sáikes jolaýshylar ystyq tamaqpen, qonaq úi jáne transfermen qamtamasyz etildi.
Toqtatylǵan nemese keiinge shegerilgen reister boiynsha jolaýshylar tegin qaita bron qoia alady nemese áýe biletteriniń qunyn tolyq qaitaryp ala alady.
Kólik ministrligi aviakompaniialarmen birlesip jaǵdaidy jiti baqylaýda, qajet bolǵan jaǵdaida jedel sheshim qabyldap, kesteni qaita qaraý jumysy júrgiziledi. Reister jaqyn arada qaita júzege asyrala bastaidy dep kútilip otyr.
