© Photo : وفيتسيالنىي تەلەگرام-كانال Air Astana
تاياۋ شىعىستاعى جاعدايدىڭ شيەلەنٸسۋٸنە بايلانىستى قازاقستاندىق ەۋە كومپانييالارى رەيستەردٸ ۋاقىتشا توقتاتتى, دەپ حابارلادى كٶلٸك مينيسترلٸگٸ.
ەۋە كومپانييالارى قابىلداعان شەشٸم حالىقارالىق تەجٸريبەگە سەيكەس قابىلداندى
مينيسترلٸك مەلٸمەتٸنشە, تاياۋ شىعىستاعى ەسكەري-ساياسي احۋالدىڭ كٷرت شيەلەنٸسۋٸنە بايلانىستى بٸرقاتار ەلدە رەسمي تٷردە شەكتەۋلەر ەنگٸزٸلٸپ, ازاماتتىق اۆياتسيياعا ارنالعان ەۋە كەڭٸستٸكتەرٸ جابىلدى.
"مەجبٷرلٸ شارالار قارۋ قولدانۋ قاۋپٸ, ناۆيگاتسييالىق جٷيەلەردٸڭ دۇرىس جۇمىس ٸستەمەۋٸ, ەۋە قورعانىسى جٷيەلەرٸنٸڭ بەلسەندٸلٸگٸ جەنە ازاماتتىق ەۋە كەمەلەرٸنٸڭ ۇشۋى ٷشٸن جوعارى تەۋەكەلدەرگە بايلانىستى قابىلداندى", - دەپ حابارلادى مينيسترلٸكتەگٸلەر.
وسىعان بايلانىستى قازاقستاندىق ەۋە كومپانييالارى قاۋٸپسٸزدٸكتٸ قامتاماسىز ەتۋ ماقساتىندا دۋباي مەن دوحا قالالارىنا بٸرقاتار رەيستٸ ۋاقىتشا توقتاتتى.
دەمەك, ەلٸمٸزدەن شەتەلگە شىقپاقشى ادام سانى 683 بولسا, شەتەلدەن ەلگە ورالاتىن ادام سانى — 1051. جالپى العاندا بۇل جاعداي 1 734 جولاۋشىعا ەسەر ەتتٸ.
سوڭعى مەلٸمەتكە سەيكەس, شەكتەۋلەر كەلەسٸ ەلدەردە قولدانىلادى:
يزرايل ەۋە كەڭٸستٸگٸ تولىق جابىق;
يران ەۋە كەڭٸستٸگٸ تولىق جابىق (ونىڭ ٸشٸندە پارسى جەنە ومان شىعاناقتارى);
يراك, يوردانييا, ليۆان — زىمىران مەن درون شابۋىل قاۋپٸنە سەيكەس ۇشۋلاردى ۋاقىتشا شەكتەۋ;
كۋۆەيت, باحرەين, باە — رەيستەردٸ شەكتەۋ جەنە توقتاتۋ, ٸشٸنارا قاقتىعىس ايماعىنا جاقىن مارشرۋتتاردى بۇعاتتاۋ.
باسقا ەلدەردٸڭ ەۋە كومپانييالارى قانداي شەشٸم قابىلدادى
ەۋە كومپانييالارى قابىلداعان شەشٸم حالىقارالىق تەجٸريبەگە سەيكەس قابىلداندى.
ٸرٸ حالىقارالىق اۆياتاسىمالداۋشىلار دا رەيستەردٸ ۋاقىتشا توقتاتتى. ولاردىڭ قاتارىندا Air France-KLM, United, American Airlines, Japan Airlines, Air Canada دۋباي, دوحا جەنە ەر-رييادقا ۇشۋدى توقتاتتى.
Qatar Airways ۇشۋ كەستەسٸن رەتتەيدٸ.
Etihad رەسمي ەسكەرتۋ جاسادى.
Emirates قاقتىعىس ايماعىن اينالىپ, ۇشۋدى جالعاستىرىپ جاتىر.
جولاۋشىلارعا قانداي جاعداي جاسالادى
قازاقستاندىق اۆياكومپانييالاردىڭ پارسى شىعاناعى ەلدەرٸنە ۇشۋعا باعىتتالعان رەيستەردٸ توقتاتا تۇرۋى ايماقتاعى ەسكەري-ساياسي جاعدايدىڭ كٷرت شيەلەنٸسۋٸنە نەگٸزدەلگەن مەجبٷرلٸ شارا.
باستى ماقسات — جولاۋشىلار مەن ەكيپاج مٷشەلەرٸنٸڭ قاۋٸپسٸزدٸگٸن قامتاماسىز ەتۋ.
قولدانىستاعى زاڭناماعا سەيكەس جولاۋشىلار ىستىق تاماقپەن, قوناق ٷي جەنە ترانسفەرمەن قامتاماسىز ەتٸلدٸ.
توقتاتىلعان نەمەسە كەيٸنگە شەگەرٸلگەن رەيستەر بويىنشا جولاۋشىلار تەگٸن قايتا برون قويا الادى نەمەسە ەۋە بيلەتتەرٸنٸڭ قۇنىن تولىق قايتارىپ الا الادى.
كٶلٸك مينيسترلٸگٸ اۆياكومپانييالارمەن بٸرلەسٸپ جاعدايدى جٸتٸ باقىلاۋدا, قاجەت بولعان جاعدايدا جەدەل شەشٸم قابىلداپ, كەستەنٸ قايتا قاراۋ جۇمىسى جٷرگٸزٸلەدٸ. رەيستەر جاقىن ارادا قايتا جٷزەگە اسىرالا باستايدى دەپ كٷتٸلٸپ وتىر.
