Qazaqstan Dúniejúzilik saýda uiymyna múshe elder ministrleriniń konferentsiiasyna tóraǵalyq etedi. Bul týraly Qazaqstan Prezidenti Qasym-Jomart Toqaev Dúniejúzilik saýda uiymynyń Bas direktory Ngozi Okondjo-Ivealamen video konferentsiia formatynda kezdesý barysynda aityldy, dep habarlaidy "Ult aqparat".
Kezdesýde Qazaqstannyń tóraǵalyǵymen ótetin DSU-ǵa múshe elder ministrleriniń 12-shi konferentsiiasyna daiyndyq máselelerine erekshe nazar aýdaryldy.
«Biz úshin biylǵy qarashanyń sońy jeltoqsannyń basynda ótetin DSU-ǵa múshe elder ministrleriniń 12-shi konferentsiiasyna tóraǵalyq etý úlken mártebe. Qazaqstan Úkimeti ortaq is-sharamyzdyń barlyq mazmundyq jáne uiymdastyrýshylyq máselelerine qatysty pysyqtaý jumystary boiynsha DSU Hatshylyǵymen tyǵyz yqpaldastyq ornatady», – dedi Memleket basshysy.
Prezidenttiń aitýynsha, Qazaqstan kópjaqty saýda júiesin belsendi jaqtaityn bolǵandyqtan, Konferentsiianyń naqty nátije ákelýine múddeli. Sondai-aq kún tártibindegi barlyq sheshilmegen máselelerdi talqylaýǵa óz tarapynan konstrýktivti túrde úles qosýǵa daiyn ekenin jetkizdi.
