Dúniejúzilik bank «Doing Business» biznes júrgizýdiń jeńildigi boiynsha reitingte Qazaqstannyń pozitsiiasyn 3 tarmaqqa – 28-den 25-ke deiin kóterdi. Bul týraly primeminister.kz habarlady.
«Doing Business» reitingindegi Qazaqstan pozitsiiasyn arttyrý Úkimettiń áreket etip turǵan zańnamany reformalaý, ruqsat júiesin jetildirý, biznes qurý rásimderin jeńildetý, memlekettik baqylaý-qadaǵalaý qyzmetin ońtailandyrý jáne elimizdegi iskerlik ahýaldy jaqsartý jónindegi júieli júrgizilip jatqan jumystarynyń arqasynda múmkin boldy.
Elbasy N. Nazarbaev jáne Memleket basshysy Q. Toqaevtyń tapsyrmalary boiynsha biznesti damytý úshin jaǵdailardy jaqsartý jumystary ári qarai jalǵastyrylady.
Dúniejúzilik bank jyl saiyn biznesti júrgizý jaǵdailarynyń qolailylyǵy boiynsha 190 memlekettiń reitingin jariialaidy. Taldaý 10 kórsetkish boiynsha júrgiziledi, onyń ishinde jańa biznesti qurýǵa jumsalatyn ýaqyt jáne aqshalai qarajat shyǵyndary, qurylysqa ruqsat alý, elektr energetikasy infraqurylymyna qoljetimdilik, menshik quqyǵyn tirkeý, nesieler alý, minoritarlyq investorlardyń quqyqtaryn qorǵaý, salyq salý, halyqaralyq saýdany júzege asyrý t.b. bar.
Qazaqstan Islandiia (26 oryn), Avstriia (27 oryn), Resei (28 oryn), Japoniia (29 oryn), Ispaniia (30 oryn), Armeniia (47 oryn), Belarýs (49 oryn), Qyrǵyzstan (80 oryn) jáne basqa elderdiń aldyna shyqty.
Doing Business reitinginde Jańa Zelandiia, Singapýr jáne Gonkong kósh bastap tur.
