Qazaqstan Parlamentiniń delegatsiiasy Jenevada 24-28 naýryz aralyǵynda ótip jatqan 138-shi Parlamentaralyq odaq Assambleiasynyń otyrysyna qatysyp jatyr, dep habarlaidy "Ult aqparat" QR Parlamenti Senatynyń baspasóz qyzmetine silteme jasap.
Delegatsiianyń quramynda senatorlar Sergei Ershov jáne Erik Sultanov, sondai-aq májilismender Baqtiiar Máken jáne Irina Smirnova bar.
Qazaqstandyq depýtattar qatysqan Assambleianyń jalpy debattary migranttar men bosqyndardyń quqyqtaryn qorǵaýǵa bailanysty máselelerdi sheshýge arnalǵan.
25 naýryzda Assambleia otyrysy barysyda naiasynda qazaqstandyq parlamentariiler Olii Majlis Zań shyǵarý palatasynyń demokratiialyq institýttar, memlekettik emes uiymdar men azamattardyń ózin-ózi basqarý organdary jónindegi komitetiniń tóraǵasy Akmal Saidov bastaǵan Ózbekstan delegatsiiasymen kezdesti.
Taraptar Prezident N.Nazarbaev pen Sh. Mirzieevtiń eki eldiń strategiialyq seriktestigin nyǵaitýǵa qosqan úlesterin atap ótti.
