Qazaqstan damý banki jeke toptardyń jeke bankine ainalǵan. Memleket basshysy Qasym-Jomart Toqaev Parlament Májilisiniń otyrysynda osyndai pikir bildirdi, dep habarlaidy QazAqparat tilshisi.
«Qazaqstan damý banki qarjy-ónerkásiptik jáne qurylys toptarynyń ishinde tańdaýly tulǵalar tobynyń jeke bankine ainaldy. Biz báriniń aty-jónin bilemiz. Joǵary kabinetterge kire alatynyn paidalanyp, olar óz jobalaryn iske asyrýda artyqshylyq alyp otyr. Bul jobalarǵa ketken memlekettiń qarajatyn shaǵyn jáne orta bizneske jumsaýǵa bolatyn edi», - dedi Qazaqstan Prezidenti.
Condai-aq, ol Úkimetke Qazaqstan damý bankiniń qyzmetin qaita qurýdy júktedi.
«Memlekettik qoldaý sharalaryn usyný úderisteri ashyq emes ári tiimsiz bolyp qalýda. Bul tásilderdi túbegeili qaita qaraý kerek. Bul túsinikti ári ashyq tetikter bolýy kerek», - dedi Memleket basshysy.
Májilis otyrysynda Prezident «Dostarǵa – bári, qalǵandaryna – zań boiynsha» qaǵidaty ekonomikadaǵy oligapoliiany odan ári kúsheitetenin basa aitty.
«Memlekettik qoldaý sharalarynyń tiimdiligi men qoljetimdiligi týraly ádil suraqtar týyndap jatyr. Qalyptasqan júie negizinen iri qurylymdarǵa «dostarǵa –bári, qalǵandaryna – zań boiynsha» qaǵidatymen qyzmet kórsetýge baǵdarlanǵan. Shyn máninde qazirgi júie ekonomikadaǵy oligapoliiany odan ári kúsheitedi», - dedi Qasym-Jomart Toqaev.
