Qazaqstan Azamattyq aviatsiiada qoǵamdyq densaýlyq saqtaý salasyndaǵy oqiǵalardyń aldyn-alý jáne ony basqarý jónindegi yntymaqtastyq kelisimge (CAPSCA) qosyldy, dep habarlaidy "Ult aqparat".
«Biraz ýaqyttan beri QR Indýstriia jáne infraqurylymdyq damý ministrliginiń Azamattyq aviatsiia komiteti, «Qazaqstannyń aviatsiialyq ákimshiligi» AQ-y IKAO jáne DDCU sarapshylarymen áýe kóligi arqyly aýrýdyń taralý máseleleri boiynsha birlesip jumys isteýde. Nátijesinde Qazaqstanǵa aýrýdyń taralý qaýpine qarsy kúres úshin IKAO men DDSU qurǵan erikti halyqaralyq organ - CAPSCA-ǵa qosylý usynyldy. Bul aviatsiialyq qaýipsizdikti jetildirý úshin eldiń aviatsiialyq bilik oryndary júrgizetin qyzmettiń az ǵana bóligi. Júrgizilgen jumystardyń jiyntyǵy Halyqaralyq uiymnyń aviatsiialyq qaýipsizdik salasynda qol jetkizgen jetistikterin moiyndaý boldy», - dep atap ótedi Indýstriia ministrliginen.
Vedomstvo málimetinshe, búgingi tańda CAPSCA mamandary azamattyq aviatsiianyń jolaýshylar tasymalyn qalpyna keltirý jáne COVID-19 taralýy jaǵdaiynda áýe kemeleri ekipajdarynyń ushýdy qaýipsiz oryndaýyn qamtamasyz etý sharalaryn talqylaýda. Ushýlardy úzdiksiz oryndaýdy qoldaý boiynsha CAPSCA keńesi turaqty túrde onlain rejiminde azamattyq aviatsiiada múddeli taraptarmen DDSU-men, qoǵamdyq densaýlyq saqtaý organdarymen jáne IKAO úilestirýshilerimen tyǵyz yntymaqtastyqta ótkiziledi. Qazaqstannyń aviatsiialyq ákimshiligi osy forýmdarǵa qatysý úshin meditsinalyq qyzmetkerleriniń birin jáne jedel sarapshyny taǵaiyndady.
