Foto: Azattyq.org
Syrtqy ister ministrligi Qazaqstan BUU Bas Assambleiasynyń jańartylǵan 11-tótenshe arnaiy sessiiasy barysynda "Ýkrainadaǵy jan-jaqty, ádil jáne berik beibitshiliktiń negizinde jatqan qaǵidattar" qararynan nege qalys qalǵanyn túsindirdi, - dep habarlaidy Massaget.kz portaly.
Vedomstvo bul siiaqty qararlardy qabyldaý ózara qolaily sheshim tabýǵa yqpal etpeitinin málimdedi.
"Osylaisha, qabyldanǵan qararda BUU AA 11-tótenshe arnaiy sessiiasynyń barlyq aldyńǵy qararlaryna silteme jasalǵan, olar Ýkrainadan áskerlerdi shyǵarýmen qatar, ziiandy óteýdiń halyqaralyq tetigin qurýdy, halyqaralyq uiymdar men qurylymdardyń quramynan elderdi alyp tastaýdy, halyqaralyq qoǵamdastyqtan kelisim tappaityn basqa erejelerdi kózdeidi. Qazaqstan buǵan deiin atalǵan qararlar boiynsha daýys berýden bas tartqan, sebebi olar taraptardyń ózara túsinistigine yqpal etpeitinine, tek daǵdarysty kúsheitip, bólý syzyqtaryn tereńdetetinine senimdi", - delingen habarlamada.
Syrtqy ister ministrligi Qazaqstannyń BUU Jarǵysy men halyqaralyq quqyqtyń basty qaǵidattary negizinde janjaldy sheshýdiń diplomatiialyq jolyna qatań berik ekenin taǵy da aitty.
"Bul qaǵidattardy turaqty saqtaýdyń mańyzdylyǵyn atap ótemiz jáne BUU-ǵa múshe elderdi basqa memleketterdiń egemendigi men aýmaqtyq tutastyǵyn, ózara syilastyq pen beibit qatar ómir súrýdi saqtaý jáne ustaný boiynsha jaýapkershilikke shaqyramyz. Qazaqstan ózara qolaily sheshimderdi tabýǵa yqpal etetin kez kelgen kelissózder protsesine járdemdesýge daiyn ekendigin rastaidy jáne Resei men Ýkraina arasyndaǵy áskeri qaqtyǵysty tek beibit jolmen sheshýge bolady dep sanaidy", - delingen vedomstvonyń málimdemesinde.
Eske salaiyq, 24 aqpanda Qazaqstan BUU-nyń Resei áskerin Ýkrainadan áketýdi talap etetin qararynan qalys qaldy. Bul qarardy 193 eldiń 141-i qoldaǵan, jeti memleket qarsy daýys bergen, al 32-si qalys qaldy.
