فوتو: Azattyq.org
سىرتقى ٸستەر مينيسترلٸگٸ قازاقستان بۇۇ باس اسسامبلەياسىنىڭ جاڭارتىلعان 11-تٶتەنشە ارنايى سەسسيياسى بارىسىندا "ۋكرايناداعى جان-جاقتى, ەدٸل جەنە بەرٸك بەيبٸتشٸلٸكتٸڭ نەگٸزٸندە جاتقان قاعيداتتار" قارارىنان نەگە قالىس قالعانىن تٷسٸندٸردٸ, - دەپ حابارلايدى Massaget.kz پورتالى.
ۆەدومستۆو بۇل سيياقتى قارارلاردى قابىلداۋ ٶزارا قولايلى شەشٸم تابۋعا ىقپال ەتپەيتٸنٸن مەلٸمدەدٸ.
"وسىلايشا, قابىلدانعان قاراردا بۇۇ اا 11-تٶتەنشە ارنايى سەسسيياسىنىڭ بارلىق الدىڭعى قارارلارىنا سٸلتەمە جاسالعان, ولار ۋكراينادان ەسكەرلەردٸ شىعارۋمەن قاتار, زيياندى ٶتەۋدٸڭ حالىقارالىق تەتٸگٸن قۇرۋدى, حالىقارالىق ۇيىمدار مەن قۇرىلىمداردىڭ قۇرامىنان ەلدەردٸ الىپ تاستاۋدى, حالىقارالىق قوعامداستىقتان كەلٸسٸم تاپپايتىن باسقا ەرەجەلەردٸ كٶزدەيدٸ. قازاقستان بۇعان دەيٸن اتالعان قارارلار بويىنشا داۋىس بەرۋدەن باس تارتقان, سەبەبٸ ولار تاراپتاردىڭ ٶزارا تٷسٸنٸستٸگٸنە ىقپال ەتپەيتٸنٸنە, تەك داعدارىستى كٷشەيتٸپ, بٶلۋ سىزىقتارىن تەرەڭدەتەتٸنٸنە سەنٸمدٸ", - دەلٸنگەن حابارلامادا.
سىرتقى ٸستەر مينيسترلٸگٸ قازاقستاننىڭ بۇۇ جارعىسى مەن حالىقارالىق قۇقىقتىڭ باستى قاعيداتتارى نەگٸزٸندە جانجالدى شەشۋدٸڭ ديپلوماتييالىق جولىنا قاتاڭ بەرٸك ەكەنٸن تاعى دا ايتتى.
"بۇل قاعيداتتاردى تۇراقتى ساقتاۋدىڭ ماڭىزدىلىعىن اتاپ ٶتەمٸز جەنە بۇۇ-عا مٷشە ەلدەردٸ باسقا مەملەكەتتەردٸڭ ەگەمەندٸگٸ مەن اۋماقتىق تۇتاستىعىن, ٶزارا سىيلاستىق پەن بەيبٸت قاتار ٶمٸر سٷرۋدٸ ساقتاۋ جەنە ۇستانۋ بويىنشا جاۋاپكەرشٸلٸككە شاقىرامىز. قازاقستان ٶزارا قولايلى شەشٸمدەردٸ تابۋعا ىقپال ەتەتٸن كەز كەلگەن كەلٸسسٶزدەر پروتسەسٸنە جەردەمدەسۋگە دايىن ەكەندٸگٸن راستايدى جەنە رەسەي مەن ۋكراينا اراسىنداعى ەسكەري قاقتىعىستى تەك بەيبٸت جولمەن شەشۋگە بولادى دەپ سانايدى", - دەلٸنگەن ۆەدومستۆونىڭ مەلٸمدەمەسٸندە.
ەسكە سالايىق, 24 اقپاندا قازاقستان بۇۇ-نىڭ رەسەي ەسكەرٸن ۋكراينادان ەكەتۋدٸ تالاپ ەتەتٸن قارارىنان قالىس قالدى. بۇل قاراردى 193 ەلدٸڭ 141-ٸ قولداعان, جەتٸ مەملەكەت قارسى داۋىس بەرگەن, ال 32-سٸ قالىس قالدى.
