Qazaqstan Birikken ulttar uiymy kiberqaýipsizdik jahandyq indeksi deńgeii boiynsha 9 satyǵa kóterilip, 31- orynǵa ornalasty (buǵan deiin - 40 orynda bolǵan). Bul týraly BUU janyndaǵy Halyqaralyq elektr bailanysy odaǵynyń (HEBO) 29 maýsymda ótken konferentsiiasynda Kiberqaýipsizdiktiń jahandyq indeksi týraly 4-shi basylym esebinde jariialandy, dep habarlaidy "Ult aqparat" Tsifrlyq damý ministrligine silteme jasap.
TMD aimaǵy boiynsha Qazaqstan 2-orynda, birinshi – Resei Federatsiiasy.
Reiting jasaý kezinde memlekettiń zańnamalyq bazasy, tehnikalyq jáne uiymdastyrý is-sharalary, halyqaralyq arenadaǵy qyzmeti men aqparattyq qaýipsizdik salasyn damytýǵa baǵyttalǵan áleýeti negizge alynady.
Elimizdiń «Qazaqstan kiberqalqany» jáne «Tsifrlyq Qazaqstan» siiaqty strategiialyq baǵdarlamalarynda HEBO-nyń kiberqaýipsizdik jahandyq indeksi aqparattyq qaýipsizdik boiynsha basty indikator bolyp esepteledi.
QR Tsifrlyq damý, innovatsiialar jáne aeroǵarysh ónerkásibi ministrligi HEBO ujymyna ózara tiimdi seriktestik jáne kiberqaýipsizdikti damytý máseleleri boiynsha qoldaý kórsetkeni úshin alǵys aitady.
Kiberqaýipsizdiktiń jahandyq indeksi týraly eseptiń tolyq nusqasy HEBO-nyń resmi saitynda jariialandy.
