Aqparat jáne qoǵamdyq damý ministrliginde «Násildik kemsitýshiliktiń barlyq nysandaryn joiý týraly halyqaralyq konventsiiany Qazaqstan Respýblikasynyń oryndaýy týraly segizinshi-onynshy jiyntyq merzimdi baiandamany» qorǵaýǵa daiyndalý jónindegi jumys tobynyń otyrysy ótti, dep habarlaidy "Ult aqparat".
Otyrysqa jumys tobynyń músheleri, múddeli memlekettik organdar men uiymdardyń ókilderi jáne BUUDB Qazaqstandaǵy ókili qatysty.
Aita ketsek, pandemiiaǵa bailanysty Qazaqstannyń BUU Násildik kemsitýshilikti joiý jónindegi komitetinde Baiandama jasaý merzimi ózgertilip, 2022 jyly Jenevada ótkizý josparlanǵan bolatyn.
Is-shara barysynda jumys tobynyń jetekshisi - Aqparat jáne qoǵamdyq damý vitse-ministri Serik Egizbaev keńeske qatysýshylardy BUU Násildik kemsitýshilikti joiý jónindegi komitetiniń Baiandama mazmunyna qatysty kommentariilerin qaita talqylaýǵa shaqyrdy.
«BUU Komiteti usynymdarynyń basym bóligin Qazaqstan oryndady. Sonymen qatar, muqiiat zertteýdi qajet etetin birneshe usynystar bar, mysaly, diskriminatsiiaǵa qarsy jeke zańnamany ázirleý. Bul másele túrli elderdiń tájiribesi arqyly odan ári birlesken zertteýdi talap etedi», - dedi Egizbaev.
Sonymen qatar BUUDB-nyń Qazaqstandaǵy shaqyrylǵan ulttyq sarapshysy BUU Komitetiniń qorytyndy eskertýlerin joiý boiynsha múddeli memlekettik organdarmen jáne uiymdarmen júrgizilip jatqan jumystar týraly aityp berdi.
Esterińizge sala keteiik, 1998 jyly Qazaqstan Násildik kemsitýshiliktiń barlyq nysandaryn joiý týraly Halyqaralyq konventsiiany ratifikatsiialaǵan bolatyn. Konventsiia normalaryn oryndaý sheńberinde QR Úkimetiniń qaýlysymen «Násildik kemsitýshiliktiń barlyq nysandaryn joiý týraly halyqaralyq konventsiiany Qazaqstan Respýblikasynyń oryndaýy týraly segizinshi-onynshy jiyntyq merzimdi baiandamasy» bekitilgen.
Baiandama QR Aqparat jáne qoǵamdyq damý ministrligi janyndaǵy Vedomstvoaralyq jumys toby barlyq múddeli memlekettik organdardyń qatysýymen ázirlenip, 2014-2017 jyldar aralyǵyndaǵy eseptik kezeńde Qazaqstannyń Konventsiia baptaryn iske asyrýy jóninde aqparat qamtylǵan.
