Qazaqstan boiynsha ekpe alýǵa tiisti halyqtyń 52,6 paiyzy revaktsinalaýdan ótken, dep habarlaidy QazAqparat.
Bul týraly QR Densaýlyq saqtaý ministri Ajar Ǵiniiat málim etti.
«Osy aida infektsiialyq tósekterdiń qamtylýy 38%-dan 17%-ǵa deiin nemese 2,2 ese, reanimatsiialyq tósekterdiń qamtylýy 20%-dan 14%-ǵa deiin nemese 6% tómendedi.
Búgingi tańda eresek halyqtyń 82,1%-y koronavirýs infektsiiasyna qarsy ekpeniń birinshi komponentin aldy. Bul Qazaqstan halqynyń 53,4%-yn quraidy.
Ekinshi komponentti 9,4 mln adam qabyldady, bul ekpe alýǵa tiisti halyqtyń 78,5%-y jáne respýblika halqynyń 49,9%-y», - dedi vedomstvo basshysy.
Onyń sózine qaraǵanda, jyl basynan beri el arasynda revaktsinatsiia deńgeiiniń ósýi baiqalyp otyr.
«Búgingi kúni 2,4 mln adam revaktsinatsiia aldy, bul egilýge tiisti kontingenttiń 52,6%-yn quraidy. Ujymdyq immýnitettiń qazirgi deńgeiin saqtaý úshin revaktsinatsiia deńgeiin tómendetpeýimiz qajet», - dedi Ajar Ǵiniiat.
