Qazaqstan quramasy Serbiianyń Belgrad qalasynda ótken halyqaralyq Branko Peshicha memorialy týrnirinde bir altyn medal jeńip aldy, dep habarlaidy Sputnik Qazaqstan agenttigi Sports.kz saityna silteme jasap.
63,5 keli salmaq dárejesinde óner kórsetip júrgen Muhammedsabyr Bazarbaiuly ǵana altynan alqa taqty. Al Oljas Bainiiazov (54 keli), Nurjan Amankeldi (71 keli) jáne Iliar Áshirov (75 keli) kúmis júldege ie boldy.
Álem chempiony Temirtas Júsipov (51 keli) qolany qanaǵat tutty.
Odan bólek, Qýanysh Dúisenbai (51 keli), Dáýlet Moldashev (54 keli), Orazbek Asylkulov (57 keli), Samatáli Tóltaev (60 keli), Dáýlet Nysan (67 keli), Armat Armanuly (71 keli) jáne Mádi Ámirov (86 keli) úshinshi orynnan kórindi.
Jalpy, Belgradqa 21 qazaqstandyq boksshy – 20 er adam jáne bir qyz barǵan. Al Olimpida júldegeri Sáken Bibosynov "Thailand Open" halyqaralyq týrnirine attandy. Qazaqstandyq boksshy alǵashqy jekpe-jeginde jeńiske jetti.
Sondai-aq, Serik Temirjanov pen Aiattola Tákijanov birinshi ainalymnan ótti.
Al Nurbek Oralbai 82 keli salmaq dárejesinde jerebe boiynsha birden jartylai finaldan bastaidy. "Thailand Open" halyqaralyq týrnirinde taǵy Sanatáli Tóltaev, Sultan Mýsinov, Aslanbek Shymbergenov, Timýr Nurseiitov, Aibek Oralbai men Saǵyndyq Toǵambai óner kórsetedi.
