Qazaqstan biznesi ýkrainalyq seriktestermen jumys isteýge daiyn. Bul týraly elimizdiń Ýkrainadaǵy Tótenshe jáne ókiletti elshisi Darhan Káletaev Ýkraina Saýda-ónerkásip palatasynyń prezidenti Gennadii Chijikovpen kezdesýde aitty, dep habarlaidy QazAqparat.
Qazaqstannyń Ýkrainadaǵy elshiliginen málim etkendei, taraptar saýda-ekonomika salasyndaǵy yntymaqtastyqty odan ári jetildirý, iskerlik qarym-qatynasty qalpyna keltirý máselelerin talqylady.
«Elshi Káletaev óz sózinde eki el prezidentteriniń jaqynda telefon arqyly sóilesýinde kóterilgen máselelerdi talqylap, qazaqstandyq biznes ýkrainalyq seriktestermen jumys isteýge daiyn ekenin málimdedi», - delingen usynylǵan habarlamada.
Chijikov biylǵy 23 shildede atalyp ótken eki el arasyndaǵy diplomatiialyq qarym-qatynastyń ornaǵanyna 30 jyl tolýymen quttyqtady.
