Búgin fýtboldan Premer-liga komandalary arasyndaǵy el birinshiliginiń on birinshi týryndaǵy alǵashqy oiyn aiaqtaldy, dep habarlaidy "Ult aqparat".
Alǵashqy oiynda elordada Qaraǵandynyń «Shahteri» men Túrkistannyń «Turan» komandalary kezdesti. Eki komanda da týrnir kestesinde tómengi oryndarda keledi. Degenmen túrkistandyq klýb sońǵy eki kezdesýde qatarynan jeńiske jetti. Sondyqtan olar búgin de sol jeńisti joldy jalǵastyrýǵa tyrysatyny belgili edi. Esesine «Shahter» keiingi tórt kezdesýde nebári bir márte jeńiske jetti.
Oiyn barysynda eki komandanyń da belsendiligi kórinip turdy. Birinshi kezeńniń 20-minýtta qaraǵandylyq komanda qaqpasyna belgilengen penaltiden «Turan» shabýylshysy Tańat Nóserbaev múlt ketken joq. Budan keiin tablodaǵy esep ózgergen joq. Osylaisha «Turan» qatarynan úsh márte jeńiske jetip, týrnir kestesinde onynshy orynǵa kóterildi.
Sondai-aq, búgin 16.00-de «Aqjaiyq» (Oral) pen «Qairat» (Almaty) kezdesedi, Al 18.00-de «Aqtóbe» men «Qaisar» (Qyzylorda), 20.00-de «Astana» (Nur-Sultan) men «Jetisý» (Taldyqorǵan) sheberlik baiqasady.
Al 15 mamyrda saǵat 15.00-de «Qyzyljar» (Petropavl) men «Kaspii» (Aqtaý) kezdesse, 17.00-de «Ordabasy» (Shymkent) men «Tobyl» (Qostanai) komandalary sheberlik baiqasady. Atalǵan týrdy saǵat 19.00-de «Atyraý» jáne «Taraz» kezdesýi túiindeidi.
