بٷگٸن فۋتبولدان پرەمەر-ليگا كوماندالارى اراسىنداعى ەل بٸرٸنشٸلٸگٸنٸڭ ون بٸرٸنشٸ تۋرىنداعى العاشقى ويىن اياقتالدى, دەپ حابارلايدى "ۇلت اقپارات".
العاشقى ويىندا ەلوردادا قاراعاندىنىڭ «شاحتەرٸ» مەن تٷركٸستاننىڭ «تۇران» كوماندالارى كەزدەستٸ. ەكٸ كوماندا دا تۋرنير كەستەسٸندە تٶمەنگٸ ورىنداردا كەلەدٸ. دەگەنمەن تٷركٸستاندىق كلۋب سوڭعى ەكٸ كەزدەسۋدە قاتارىنان جەڭٸسكە جەتتٸ. سوندىقتان ولار بٷگٸن دە سول جەڭٸستٸ جولدى جالعاستىرۋعا تىرىساتىنى بەلگٸلٸ ەدٸ. ەسەسٸنە «شاحتەر» كەيٸنگٸ تٶرت كەزدەسۋدە نەبەرٸ بٸر مەرتە جەڭٸسكە جەتتٸ.
ويىن بارىسىندا ەكٸ كوماندانىڭ دا بەلسەندٸلٸگٸ كٶرٸنٸپ تۇردى. بٸرٸنشٸ كەزەڭنٸڭ 20-مينۋتتا قاراعاندىلىق كوماندا قاقپاسىنا بەلگٸلەنگەن پەنالتيدەن «تۇران» شابۋىلشىسى تاڭات نٶسەرباەۆ مٷلت كەتكەن جوق. بۇدان كەيٸن تابلوداعى ەسەپ ٶزگەرگەن جوق. وسىلايشا «تۇران» قاتارىنان ٷش مەرتە جەڭٸسكە جەتٸپ, تۋرنير كەستەسٸندە ونىنشى ورىنعا كٶتەرٸلدٸ.
سونداي-اق, بٷگٸن 16.00-دە «اقجايىق» (ورال) پەن «قايرات» (الماتى) كەزدەسەدٸ, ال 18.00-دە «اقتٶبە» مەن «قايسار» (قىزىلوردا), 20.00-دە «استانا» (نۇر-سۇلتان) مەن «جەتٸسۋ» (تالدىقورعان) شەبەرلٸك بايقاسادى.
ال 15 مامىردا ساعات 15.00-دە «قىزىلجار» (پەتروپاۆل) مەن «كاسپيي» (اقتاۋ) كەزدەسسە, 17.00-دە «ورداباسى» (شىمكەنت) مەن «توبىل» (قوستاناي) كوماندالارى شەبەرلٸك بايقاسادى. اتالعان تۋردى ساعات 19.00-دە «اتىراۋ» جەنە «تاراز» كەزدەسۋٸ تٷيٸندەيدٸ.
