Búgin fýtboldan Premer-liga komandalary arasyndaǵy el birinshiliginiń tórtinshi týry máresine jetti, dep habarlaidy "Ult aqparat".
Búgingi sońǵy kezdesýde elordada «Astana» men «Atyraý» komandalary sheberlik baiqasty. Bul kezdesýde alań ieleri tizgindi óz qolyna alyp, jasyl alań tórinde basymdyǵyn baiqatty.
Esepti alǵash bolyp atyraýlyq komanda sapynan Djýnior Aleks ashty. Odan keiin elordalyq klýbtan Abat Aiymbetov 23-minýtta tarazy basyn teńestirdi. Al onyń komandalas áriptesi Abzal Beisebekov 20, 36-minýttarda mergendigimen kózge tústi.
Ekinshi kezeńniń 64-minýtta Abat Aiymbetov esepti ulǵaita tústi. Kelesi kezekte atyraýlyq klýbtan Braian 76-minýtta bir golmen jaýap qaiyrdy. Oiyn sońyna taman Roman Mýrtazaev 90, 93-minýttarda eki goldyń avtory atandy.
Osylaisha «Astana» qarsylasyn 6:2 esebimen tize búktirdi. Atalǵan jeńisten keiin segiz upai jinap, týrnir kestesinde ekinshi orynǵa kóterildi. Kósh basynda 10 upaimen Almatynyń «Qairat» komandasy keledi. Úzdik úshtikti enshisinde segiz upaiy bar «Taraz» komandasy túiindep tur.
Atalǵan týrdaǵy tórt oiyn keshe, 9 sáýirde ótkizilgen bolatyn. Sol kúni «Taraz» Qaraǵandynyń «Shahterin» 4:0 esebimen tize búktirse, Oraldyń «Aqjaiyǵy» Petropavldyń «Qyzyljaryna» 0:1 esebimen ese jiberdi. Al «Aqtóbe» men «Ordabasy» 4:4 esebimen teń tústi.
Búgin 9 cáýirde Qostanaidyń «Tobyly» syrt alańda Taldyqorǵannyń «Jetisýyn» 2:0 esebimen súrindirse, Almatynyń «Qairaty» óz alańynda Túrkistannyń «Turan» klýbyna 5:1 esebimen oisyrata jeńdi.
Endi besinshi týr oiyndary 13 jáne 14 sáýir kúnderi ótkiziledi. Aldymen 13 sáýirde «Shahtior» men «Aqjaiyq», «Qyzyljar» men «Aqtóbe» kezdesse, 14 sáýirde «Atyraý» men «Jetisý», «Kaspii» men «Qairat», «Tobyl» men «Qaisar», «Turan» men «Taraz», «Ordabasy» men «Astana» komandalary jasyl alańǵa shyǵady.
