بٷگٸن فۋتبولدان پرەمەر-ليگا كوماندالارى اراسىنداعى ەل بٸرٸنشٸلٸگٸنٸڭ تٶرتٸنشٸ تۋرى مەرەسٸنە جەتتٸ, دەپ حابارلايدى "ۇلت اقپارات".
بٷگٸنگٸ سوڭعى كەزدەسۋدە ەلوردادا «استانا» مەن «اتىراۋ» كوماندالارى شەبەرلٸك بايقاستى. بۇل كەزدەسۋدە الاڭ يەلەرٸ تٸزگٸندٸ ٶز قولىنا الىپ, جاسىل الاڭ تٶرٸندە باسىمدىعىن بايقاتتى.
ەسەپتٸ العاش بولىپ اتىراۋلىق كوماندا ساپىنان دجۋنيور الەكس اشتى. ودان كەيٸن ەلوردالىق كلۋبتان ابات ايىمبەتوۆ 23-مينۋتتا تارازى باسىن تەڭەستٸردٸ. ال ونىڭ كوماندالاس ەرٸپتەسٸ ابزال بەيسەبەكوۆ 20, 36-مينۋتتاردا مەرگەندٸگٸمەن كٶزگە تٷستٸ.
ەكٸنشٸ كەزەڭنٸڭ 64-مينۋتتا ابات ايىمبەتوۆ ەسەپتٸ ۇلعايتا تٷستٸ. كەلەسٸ كەزەكتە اتىراۋلىق كلۋبتان برايان 76-مينۋتتا بٸر گولمەن جاۋاپ قايىردى. ويىن سوڭىنا تامان رومان مۋرتازاەۆ 90, 93-مينۋتتاردا ەكٸ گولدىڭ اۆتورى اتاندى.
وسىلايشا «استانا» قارسىلاسىن 6:2 ەسەبٸمەن تٸزە بٷكتٸردٸ. اتالعان جەڭٸستەن كەيٸن سەگٸز ۇپاي جيناپ, تۋرنير كەستەسٸندە ەكٸنشٸ ورىنعا كٶتەرٸلدٸ. كٶش باسىندا 10 ۇپايمەن الماتىنىڭ «قايرات» كومانداسى كەلەدٸ. ٷزدٸك ٷشتٸكتٸ ەنشٸسٸندە سەگٸز ۇپايى بار «تاراز» كومانداسى تٷيٸندەپ تۇر.
اتالعان تۋرداعى تٶرت ويىن كەشە, 9 سەۋٸردە ٶتكٸزٸلگەن بولاتىن. سول كٷنٸ «تاراز» قاراعاندىنىڭ «شاحتەرٸن» 4:0 ەسەبٸمەن تٸزە بٷكتٸرسە, ورالدىڭ «اقجايىعى» پەتروپاۆلدىڭ «قىزىلجارىنا» 0:1 ەسەبٸمەن ەسە جٸبەردٸ. ال «اقتٶبە» مەن «ورداباسى» 4:4 ەسەبٸمەن تەڭ تٷستٸ.
بٷگٸن 9 cەۋٸردە قوستانايدىڭ «توبىلى» سىرت الاڭدا تالدىقورعاننىڭ «جەتٸسۋىن» 2:0 ەسەبٸمەن سٷرٸندٸرسە, الماتىنىڭ «قايراتى» ٶز الاڭىندا تٷركٸستاننىڭ «تۇران» كلۋبىنا 5:1 ەسەبٸمەن ويسىراتا جەڭدٸ.
ەندٸ بەسٸنشٸ تۋر ويىندارى 13 جەنە 14 سەۋٸر كٷندەرٸ ٶتكٸزٸلەدٸ. الدىمەن 13 سەۋٸردە «شاحتيور» مەن «اقجايىق», «قىزىلجار» مەن «اقتٶبە» كەزدەسسە, 14 سەۋٸردە «اتىراۋ» مەن «جەتٸسۋ», «كاسپيي» مەن «قايرات», «توبىل» مەن «قايسار», «تۇران» مەن «تاراز», «ورداباسى» مەن «استانا» كوماندالارى جاسىل الاڭعا شىعادى.
