Qazaqstanda 5 mamyrdaǵy jaǵdai boiynsha COVID-19 oń nátijesimen 332 369 naýqas jáne KVI-men 53 122 jaǵdai tirkeldi. KVI-men aýyratyn naýqastardyń 87%-y saýyǵyp shyqty, onyń ishinde 284 371 KVI+ aýyratyn naýqastar jáne 51 935 KVI-men aýyratyn naýqastar. Epidemiologiialyq jaǵdai matritsasyna sáikes Qazaqstan bir aidan astam ýaqyt joǵary qaýipti, iaǵni qyzyl aimaqta tur, dep habarlady OKQ brifinginde QR DSM sanitarlyq-epidemiologiialyq baqylaý komitetiniń tóraǵasy Aijan Esmaǵambetova.
Sondai-aq, joǵary epidemiologiialyq aimaqta (qyzyl aimaqta) 8 óńir bar: Nur-Sultan, Almaty, Shymkent qalalary, Aqmola, Batys Qazaqstan, Qaraǵandy, Qyzylorda jáne Pavlodar oblystary. Búgingi tańda orta epidemiologiialyq aimaqta bes aimaq bar: Aqtóbe, Atyraý, Shyǵys Qazaqstan, Almaty, Jambyl oblystary. Jasyl aimaqta - tórt óńir: Qostanai, Túrkistan, Soltústik Qazaqstan, Mańǵystaý oblystary.
«Sońǵy úsh apta ishinde syrqattanýshylyq dinamikasy is júzinde bir deńgeide saqtalyp otyr. Ótken aptada syrqattanýshylyqtyń 2%-ǵa tómendegeni baiqalady, ólim-jitim kórsetkishi ótken apta deńgeiinde saqtalyp otyr», - dedi Komitet basshysy.
Syrqattanýshylyqtyń eń kóp ósýi Qyzylorda, Mańǵystaý jáne Túrkistan oblystarynda baiqalady.
