Elimiz astyq pen un eksporty boiynsha joǵary kórsetkish kórsetip otyr, dep habarlaidy "Ult aqparat" Aýyl sharýashylyǵy ministrliginiń baspasóz qyzmetine silteme jasap.
Qazan aiynda QR Qarjy ministrliginiń Memlekettik kirister komiteti men «QTJ» AQ-nyń derekteri boiynsha Qazaqstan shetelge 862 myń tonnaǵa jýyq astyq pen un saýdalady.
Onyń ishinde 617 myń tonna bidai, 164 myń tonna bidai uny (235 myń tonna astyq ekvivalentinde) jáne 9,7 myń tonna arpa bar.
Bidai men unnyń basym bóligin Ózbekstan (327,6 myń tonna), Aýǵanstan (230,3 myń tonna) jáne Tájikstan (150,5 myń tonna) satyp aldy. Arpanyń barlyq kólemi dástúrli túrde Iranǵa eksporttalǵan.
Esterińizge salsaq, buǵan deiin QR Aýyl sharýashylyǵy ministri Saparhan Omarov biyl Qazaqstannyń diqandary joǵary sapaly dándi daqyldar alǵanyn atap ótken bolatyn.
Sonymen qatar, QR AShM basshysy Qazaqstannyń astyq pen undy satý máselelerindegi eksporttyq strategiiasy koronavirýs pandemiiasyna qaramastan ózgeristerge ushyramaitynyn málimdegen.
27 qazanda QR Prezidenti Qasym-Jomart Toqaev QR Aýyl sharýashylyǵy ministrliginiń basshysymen kezdesý ótkizip, óńdelgen ónim eksportynyń kólemin ulǵaitýdy jáne otandyq agrarshylar úshin jańa naryq ashý boiynsha belsendi jumys júrgizýdi tapsyrdy.
