Tsifrlyq damý, qorǵanys jáne aeroǵarysh ónerkásibi ministrligi Baiqońyr qalasy men ǵarysh ailaǵyn biriktiretin "Baiqońyr" keshenin jalǵa berýdi toqtatý múmkindigine qatysty túsinikteme berdi, dep jazady Sputnik.
Ministrlik "Qazaqstan tarapy "Baiqońyr" kesheni, sonyń ishinde keshendi jaldaý merzimi boiynsha Resei Federatsiiasymen jasalǵan halyqaralyq kelisimderdi saqtaitynyn málimdedi.
Vedomstvo "Baiqońyr" keshenin tiimdi paidalaný týraly memleketaralyq kelisimge sáikes (2004 jyldyń 9 qańtarynda jasalǵan) "Baiqońyr" keshenin Reseige jalǵa berý merzimi 2050 jylǵa deiin uzartylǵanyn eske saldy.
Sonymen qatar ministrlik senatorlar kótergen Baiqońyr qalasyn damytý máselesi jaqynda "Baiqońyr" kesheni boiynsha Qazaqstan-Resei úkimetaralyq komissiiasynyń otyrysynda qaralatynyn atap ótti.
Buǵan deiin tsifrlyq damý, qorǵanys jáne aeroǵarysh vitse-ministri Marat Nurǵojin taraptar Baiqońyr qalasyn jalǵa berýden shyǵarý máselesin talqylaidy dep habarlaǵan edi.
