Foto: egemen.kz
«Qazaqstan barysy» respýblikalyq týrnirin ótkizýge bólingen qarjynyń qanshalyqty zańdy jumsalǵany tekserilip jatyr, dep habarlaidy QazAqparat.
«Qarjy monitoringi agenttiginiń tekserýi týraly estidik. Atalǵan tekseris 2011-2019 jyldar aralyǵynda ótken «Qazaqstan barysy» týrnirine qatysty júrip jatyr. Ol boiynsha biz jaýap bere almaimyz, quzyretimizge jatpaidy. Al biz óz qyzmetimizdi 2019 jyldan bastadyq, qaita quryldyq. Osy kúnge deiin úsh úlken týrnir ótkizdik. Eki ret «Qazaqstan barysy» jáne bir ret «Turan» Aziia chempionaty. Iaǵni ol jyldary qorda basqa adamdar jumys istedi, sondyqtan biz jaýap bere almaimyz», - dedi «Qazaqstan barysy» qorynyń resmi ókili Dias Ahmetsharip baspasóz máslihatynda.
Sondai-aq, týrnir uiymdastyrýshylary biýdjet máselesine kelgende qordyń jumysy ashyq ekenin aitty.
Eske sala keteiik, 21 maýsymda Qarjy monitoringi agenttiginiń Almaty qalasy boiynsha departamenti sotqa deiingi tergeý aiasynda «Qazaqstan barysy» qazaq kúresinen týrnir ótkizýge bólingen 1,075 mlrd teńge biýdjet qarajatynyń jumsalý zańdylyǵyn tekserý júrip jatqanyn habarlaǵan edi.
«Basshylardan, merdiger ókilderinen jaýap alý, tintý jáne qujattardy alýdy qamtityn tergeý júrip jatyr. Tergeý múddesin kózdeitin basqa aqparat jariialanbaidy», - delingen resmi málimette.
