Germaniiada Qazaqstan azamaty koronavirýstyń jańa túrin juqtyrdy, onyń otbasy karantinge jatqyzyldy, dep habarlaidy "Ult aqparat" QR Syrtqy ister ministrligine silteme jasap.
«Germaniiadaǵy Qazaqstan Elshiligindegi diplomattarymyzdyń birine ata-anasynyń qonaqqa barǵanyn rastaimyz. Olar Eýropada jeke saparmen júrgen. Birneshe kúnnen keiin diplomattyń ákesinen koronavirýs juqtyrý belgileri baiqalyp, aýrýhanaǵa jatqyzyldy», - dep habarlady QR Syrtqy ister ministrliginiń resmi ókili Aibek Smadiiarov.
Baspasóz hatshysynyń aitýynsha, qazirgi ýaqytta naýqastyń jaǵdaiy jaqsaryp, jeke palatadan jalpy palataǵa aýystyryldy. Onyń áieli men uly nemis dárigerleriniń baqylaýynda karantinge jatqyzyldy.
Buǵan deiin, Densaýlyq saqtaý ministri Eljan Birtanov koronavirýs infektsiiasyn juqtyrǵan Qazaqstannyń eki azamaty Germaniiadan kelgenin málim etti.
Sondai-aq, koronavirýs juqtyrǵan úshinshi adam elordada tirkeldi. Naýqas Milan qalasynan Nur-Sultan qalasyna 12 naýryz kúni kelgen.
