گەرمانييادا قازاقستان ازاماتى كوروناۆيرۋستىڭ جاڭا تٷرٸن جۇقتىردى, ونىڭ وتباسى كارانتينگە جاتقىزىلدى, دەپ حابارلايدى "ۇلت اقپارات" قر سىرتقى ٸستەر مينيسترلٸگٸنە سٸلتەمە جاساپ.
«گەرمانيياداعى قازاقستان ەلشٸلٸگٸندەگٸ ديپلوماتتارىمىزدىڭ بٸرٸنە اتا-اناسىنىڭ قوناققا بارعانىن راستايمىز. ولار ەۋروپادا جەكە ساپارمەن جٷرگەن. بٸرنەشە كٷننەن كەيٸن ديپلوماتتىڭ ەكەسٸنەن كوروناۆيرۋس جۇقتىرۋ بەلگٸلەرٸ بايقالىپ, اۋرۋحاناعا جاتقىزىلدى», - دەپ حابارلادى قر سىرتقى ٸستەر مينيسترلٸگٸنٸڭ رەسمي ٶكٸلٸ ايبەك سماديياروۆ.
باسپاسٶز حاتشىسىنىڭ ايتۋىنشا, قازٸرگٸ ۋاقىتتا ناۋقاستىڭ جاعدايى جاقسارىپ, جەكە پالاتادان جالپى پالاتاعا اۋىستىرىلدى. ونىڭ ەيەلٸ مەن ۇلى نەمٸس دەرٸگەرلەرٸنٸڭ باقىلاۋىندا كارانتينگە جاتقىزىلدى.
بۇعان دەيٸن, دەنساۋلىق ساقتاۋ مينيسترٸ ەلجان بٸرتانوۆ كوروناۆيرۋس ينفەكتسيياسىن جۇقتىرعان قازاقستاننىڭ ەكٸ ازاماتى گەرمانييادان كەلگەنٸن مەلٸم ەتتٸ.
سونداي-اق, كوروناۆيرۋس جۇقتىرعان ٷشٸنشٸ ادام ەلوردادا تٸركەلدٸ. ناۋقاس ميلان قالاسىنان نۇر-سۇلتان قالاسىنا 12 ناۋرىز كٷنٸ كەلگەن.
