Qazaqstan azamattyǵyn almaǵan, alaida oralman mártebesi bar qandastarǵa 42 500 teńge beriledi, – dep habarlaidy «Ult aqparat».
Bul týraly Dúniejúzi qazaqtary qaýymdastyǵynyń baspasóz hatshysy Syrymbek Tóleýuly Facebook jelisindegi paraqshasynda jazdy.
«Turaqty tirkeýde turyp oralman mártebesi bar qazaqtar quqyqtary jaǵynan turǵylyqty azamattarmen teń. Olarǵa eshqandaĭ kedergi joq jáne Qazaqstan Respýblikasynyń azamattarymen birdei kómek kórsetiledi. Eger jumys istep júrip, tabysynan shekteýler saldarynan aĭyrylǵan bolsa, ol 42 500 teńge alady», - dep jazdy Syrymbek Tóleýuly.
Eske sala ketsek keshegi Úkimet otyrysynda Úkimet basshysy Asqar Mamin ataýly áleýmettik kómekti qolda bar derekter negizinde aldyn ala júrgizýdi tapsyrǵan edi. Al Eńbek jáne halyqty áleýmettik qorǵaý ministri Birjan Nurymbetov Ortalyq kommýnikatsiialar qyzmetindegi brifing barysynda ministr shilde aiyna beriletin 42 500 teńge áleýmettik tólemdi taǵaiyndaý úshin qandai portaldar jumys isteitindigin aityp berdi.
