Qazaqstan 2017 jyldyń qorytyndysy boiynsha az aqshamen ómir súrýge bolatyn memleketter tiziminde 19-orynda tur, dep habarlaidy Baq.kz aqparat agenttigi.
Numbeo bazasy ár memlekette qansha aqshamen ómir súrýge bolatyndyǵyn Niý-Iorktegi kúnkóris deńgeiimen salystyra otyryp anyqtady. Qazaqstanda atalǵan qalamen salystyrǵanda 65,75% az aqshamen ómir súrýge bolady. Al páter jaldaý aqysy 88,77% arzan. Azyq-túlik baǵasy Niý-Iorktegi baǵalardyń tek 28,06%-yn quraidy. Munymen qatar, satyp alý múmkindigi bar adamdardyń indeksi 40,75%-ǵa jetip otyr.
Bul tizimde kórshi Resei 39-orynda tur. Satyp alýshylar indeksi Amerikamen salystyrǵanda 51,11%-dy qurap otyr. Al Belarýs memleketi - 18-orynda.
Az aqshamen ómir súrýge bolatyn memleketterdiń tiziminde Pákistan, Mysyr jáne Ýkraina syndy memleketter kósh bastady. Sońǵysynda satyp alý múmkindigi bar adamdardyń sany jalpy halyqtyń 30,24%-yn qurap otyr.
Eń qymbat memleketter bolyp Bermýd araldary, Shveitsariia jáne Islandiia tanyldy. Atalǵan reitingte 115 memleket bar.
