Kollaj: Stan.kz
«Qazaqstan avtorlary qoǵamy» (QazAQ) uiymy saittarynda jariialanǵan «izdeýdegi ártister tizimi» týraly túsinikteme berdi, dep habarlaidy Ult.kz Stan.kz aqapart agenttigine silteme jasap.
Uiym saitynda «izdeýdegi avtorlar» tizimi jariialanyp, onda tanymal ánshiler men mýzykanttar, sonyń ishinde Áli Oqapov, Dimash Qudaibergen, Darhan Djýz, Imanbek, Qairat Nurtas, Raim & Artur, RinGo, Sadraddin, Say Mo, Son Pascal, M'Dee, V $ X V PRiNCE, Ǵalymjan Moldanazar jáne basqa da óner adamdary kórsetilgen.
Barlyǵy 421 oryndaýshyǵa «izdeý» jariialanǵan. Tizimde QazAQ-qa avtorlyq týyndylaryn paidalanǵany úshin tiisti tólemderdi óteýi tiis óner ieleri bar. Olar tizimnen óz esimderin taýyp, uiymmen bailanysqa shyǵýy qajet.
QazAQ basshylyǵynyń aitýynsha, bul qadam – avtorlardyń eńbegi úshin ádil qalamaqy tóleýdi qamtamasyz etýge baǵyttalǵan. Bas direktordyń orynbasary Ánýar Ersultannyń sózinshe, uiym avtorlardyń tólemderin berýge daiyn, alaida keibir avtorlar óz rekvizitterin usynbaǵandyqtan, qarajat jetpei jatady.
«Óner adamdarynyń menedjerleri men direktorlary bul máselege jaýapkershilikpen qarap, avtorlyq quqyqtar týraly habardar bolýy kerek. Biz árqashan bailanysqa ashyqpyz, tiisti qarajatty berýge daiynbyz», – dedi ol.
QazAQ-tyń avtorlyq quqyqtardy qorǵaý boiynsha barlyq qajetti akkreditatsiiasy bar ekeni ádilet ministrliginiń saitynda da kórsetilgen. Uiym ókilderi Meta kompaniiasymen kelissózder júrgizý quqyǵyna ie ekenin málimdep, sandyq segmentte de avtorlardyń múddelerin qorǵaýǵa daiyn ekenin aitty.
Buǵan deiin Qazaqstan avtorlar qoǵamynyń talaptaryna bailanysty Instagram-da keibir qazaqstandyq ánder qoljetimsiz bolǵan. Bul jaǵdai ánshiler men kompozitorlar arasynda pikirtalas týǵyzyp, QazAQ-tyń qarjylyq esep berýi men tólem júiesine qatysty suraqtar týyndaǵan.
