Jaz ailaryna qarai elimizde 3,88 mln avtomobil tirkeldi. Bul bir jyl burynǵy kórsetkishten 2,9 paiyzǵa kóp, dep habarlaidy "Ult aqparat" ranking.kz-ke silteme jasap.
Elimizdiń avtoparkiniń úshten ekige jýyǵyn shyǵarylǵanyna 10 jyldan asyp ketken eski kólikter quraidy. Al zaýyttan shyqqanyna 3 jyl bola qoimaǵan avtomobilderdiń sany elimizdegi jalpy kólikterdiń nebári 10,9 paiyzyn qurap otyr. 3-7 jyl aralyǵynda kólikterdiń úlesi – 15,2 paiyz, 7-10 jyl aralyǵyndaǵy kólikterdiń úlesi – 6,4 paiyz.
Jańa kólik satyp alǵysy keletin qazaqstandyqtarǵa bankter arnaiy nesie ónimderin usynady. Elimizdegi nesie beretin eń iri 10 banktiń arasynda 5 ekinshi deńgeili bank (EDB), atap aitqanda Eýraziia banki, TsentrKredit bank, Halyq banki, ATF banki jáne Sberbank jalaqy jobasynan tys jańa avtomobil satyp alýǵa avtonesie usynady.
Bul rette, Sberbank jyldyq eń tómengi tiimdi stavkany – 19,4, Halyq banki – 21,2, al TsentrKredit banki 21,9 paiyz mólsherinde usynady.
Jańa avtomobil qunynyń 10 paiyzy mólsherinde eń tómengi alǵashqy jarnany Sberbank pen Eýraziia banki talap etedi. Al bul mólsher TsentrKredit banki, Halyq banki jáne ATF bankinde 20 paiyzdy quraidy.
Beriletin zaim somasy úsh bankte naqty kórsetilgen: Halyq banki men Eýraziia bankinde - 30 mln teńgege deiin, ATF bankinde - 15 mln teńgege deiin.
Zaimdy óteý merzimi 36 aidan bastap 84 aiǵa deiingi aralyqty qamtidy.
