جاز ايلارىنا قاراي ەلٸمٸزدە 3,88 ملن اۆتوموبيل تٸركەلدٸ. بۇل بٸر جىل بۇرىنعى كٶرسەتكٸشتەن 2,9 پايىزعا كٶپ, دەپ حابارلايدى "ۇلت اقپارات" ranking.kz-كە سٸلتەمە جاساپ.
ەلٸمٸزدٸڭ اۆتوپاركٸنٸڭ ٷشتەن ەكٸگە جۋىعىن شىعارىلعانىنا 10 جىلدان اسىپ كەتكەن ەسكٸ كٶلٸكتەر قۇرايدى. ال زاۋىتتان شىققانىنا 3 جىل بولا قويماعان اۆتوموبيلدەردٸڭ سانى ەلٸمٸزدەگٸ جالپى كٶلٸكتەردٸڭ نەبەرٸ 10,9 پايىزىن قۇراپ وتىر. 3-7 جىل ارالىعىندا كٶلٸكتەردٸڭ ٷلەسٸ – 15,2 پايىز, 7-10 جىل ارالىعىنداعى كٶلٸكتەردٸڭ ٷلەسٸ – 6,4 پايىز.
جاڭا كٶلٸك ساتىپ العىسى كەلەتٸن قازاقستاندىقتارعا بانكتەر ارنايى نەسيە ٶنٸمدەرٸن ۇسىنادى. ەلٸمٸزدەگٸ نەسيە بەرەتٸن ەڭ ٸرٸ 10 بانكتٸڭ اراسىندا 5 ەكٸنشٸ دەڭگەيلٸ بانك (ەدب), اتاپ ايتقاندا ەۋرازييا بانكٸ, تسەنتركرەديت بانك, حالىق بانكٸ, اتف بانكٸ جەنە سبەربانك جالاقى جوباسىنان تىس جاڭا اۆتوموبيل ساتىپ الۋعا اۆتونەسيە ۇسىنادى.
بۇل رەتتە, سبەربانك جىلدىق ەڭ تٶمەنگٸ تيٸمدٸ ستاۆكانى – 19,4, حالىق بانكٸ – 21,2, ال تسەنتركرەديت بانكٸ 21,9 پايىز مٶلشەرٸندە ۇسىنادى.
جاڭا اۆتوموبيل قۇنىنىڭ 10 پايىزى مٶلشەرٸندە ەڭ تٶمەنگٸ العاشقى جارنانى سبەربانك پەن ەۋرازييا بانكٸ تالاپ ەتەدٸ. ال بۇل مٶلشەر تسەنتركرەديت بانكٸ, حالىق بانكٸ جەنە اتف بانكٸندە 20 پايىزدى قۇرايدى.
بەرٸلەتٸن زايم سوماسى ٷش بانكتە ناقتى كٶرسەتٸلگەن: حالىق بانكٸ مەن ەۋرازييا بانكٸندە - 30 ملن تەڭگەگە دەيٸن, اتف بانكٸندە - 15 ملن تەڭگەگە دەيٸن.
زايمدى ٶتەۋ مەرزٸمٸ 36 ايدان باستاپ 84 ايعا دەيٸنگٸ ارالىقتى قامتيدى.
