Qazaqstan aýmaǵynda koronavirýstyń «úndi» shtammy tirkelgen joq. Bul týraly Úkimet otyrysynda QR Densaýlyq saqtaý ministri Aleksei Tsoi aitty, dep habarlaidy "Ult aqparat".
«Biz jańa mýtatsiialardy anyqtaý maqsatynda respýblika aýmaǵynda taralyp jatqan koronavirýstyń shtamdaryna genetikalyq zertteýlerdi turaqty negizde júrgizip otyramyz. Máselen, osy jyldyń sáýir aiynda anyqtalǵan úlgilerdi zertteýdiń qorytyndysynda «britandyq» shtamnyń ainalymda júrýi úlgilerdiń 30 paiyzynda anyqtaldy. Al respýblika aýmaǵynda «úndi» shtamynyń ainalymda bolýy anyqtalǵan joq», - dedi QR Densaýlyq saqtaý ministri.
