Teleradiohabar taratý jelilerinde josparly aldyn alý jumysy júrgiziledi, dep habarlaidy "Ult aqparat" «Qazteleradio» AQ resmi saityna silteme jasap.
«19 qarasha saǵat 03:00 men 17:00 aralyǵynda jerseriktik, tsifrlyq jáne analogty efir jelileriniń tehnikalyq quraldaryndaǵy servister jabylyp, josparly profilaktikalyq jumystar júrgiziledi. Osyǵan bailanysty Qazaqstannyń búkil aýmaǵynda teleradioarnalardy retransliatsiialaý ýaqytsha toqtatylady» dep eskertedi kompaniia.
«Qazteleradio» AQ toqsan saiyn jerseriktik jáne efirlik jelilerdiń tehnikalyq quraldarynda servisterdi jaba otyryp, josparly profilaktikalyq jumys júrgizedi.
Bul jumys teleradio habaryn sapaly taratýdy qamtamasyz etý úshin qajet, al toqsan saiynǵy josparly profilaktikalyq jumystar servisti uzaq ýaqyt óshirýge múmkindik beredi.
Sondyqtan osy ýaqyt ishinde tehnikalyq quraldardy jańǵyrtý boiynsha qosymsha jumystar da júzege asady.
«Ýaqytsha qolaisyzdyqtar úshin keshirim ótinemiz» deidi kompaniiadan.
