Foto: KazAID
24 qyrkúiekte Tótenshe jaǵdailar ministrligi KazAID Qazaqstannyń halyqaralyq damý agenttigi qoldaýymen Aýǵanstanǵa gýmanitarlyq kómektiń iri partiiasyn temirjol arqyly jetkizdi. Bul týraly Qazaqstandyq halyqaralyq damý agenttigi málim etti.
Agenttiktiń málimetinshe, barlyǵy jalpy salmaǵy 272 tonna 728 kilogrammdy quraityn 26 vagon gýmanitarlyq júk jiberildi. Olardyń ishinde shatyrlar, qant, kórpeler, et konservileri jáne un bar.
Eske salaiyq, 2025 jylǵy sáýir aiynda da gýmanitarlyq kómek jiberilgen bolatyn: dári-dármekter, meditsinalyq buiymdar jáne jeke qorǵanys quraldary tielgen júk áýe arqyly jetkizilip, onyń jalpy salmaǵy 3 tonna 396 kilogrammdy qurady.
Qazaqstan tatý kórshilik qatynastardy damytý baǵytyn ustanyp, óńirdegi gýmanitarlyq turaqtylyqty qamtamasyz etýge ári qarai da atsalysýǵa daiyn.
