Foto: primeminister.kz
Kabýl qalasynda ótken kezdesýde QR Premer-ministriniń orynbasary – ulttyq ekonomika ministri Serik Jumanǵarin men Aýǵanstan Islam Ámirliginiń Ken óndirý jáne munai ministri Hedaiatýlla Badri kelisim jasasty, dep habarlaidy Ult.kz.
Kezdesý barysynda taraptar ótken bir jyl ishinde ónerkásip salasyndaǵy ekijaqty qatynastardyń aitarlyqtai ilgerileýine rizashylyqtaryn bildirdi. Serik Jumanǵarin aýǵan tarapyna Qazaqstannan jetkizilgen geologtardyń qatty paidaly qazbalardyń áleýetti ken oryndaryn zertteý boiynsha dalalyq jumystaryn uiymdastyrýǵa qoldaý kórsetkeni úshin alǵysyn bildirdi.
«Búgingi tańda Qazaqstan geologiialyq barlaý, qatty paidaly qazbalardy óndirý jáne óńdeý salasynda tájiribesi bar kásibi taý-ken kompaniialary pýlyn qurdy. Bul kompaniialar áleýetti ken oryndaryn izdeýge jáne investitsiia salýǵa múddeli. Osy baǵytty talqylaý úshin qazaqstandyq delegatsiia quramynda ERG Exploration, Kazakhmys Barlau jáne Qazatomónerkásip kompaniialarynyń ókilderi keldi», — dedi Serik Jumanǵarin.
Kezdesý barysynda aýǵan tarapy yntymaqtastyqty odan ári damytýǵa jáne qazaqstandyq mamandardyń zertteý jumystaryna qoldaý kórsetýge daiyn ekenin jetkizdi. Taraptar barlyq týyndaǵan máselelerdi jedel talqylaý úshin birlesken tehnikalyq komissiia qurýǵa ýaǵdalasty.
Mamyr aiynyń sońynda Qazaqstan tarapy Aýǵanstannyń basqa provintsiialaryndaǵy áleýetti ken oryndaryn zertteý úshin taǵy bir mamandar tobyn jibermek. Sonymen qatar aýǵan tarapy qazaqstandyq taý-ken kompaniialarynyń suranysy boiynsha tabiǵi resýrstardyń rastalǵan qory týraly málimetter berýge daiyn ekenin bildirdi.
Sondai-aq Serik Jumanǵarin Aýǵanstan Islam Ámirliginiń Memlekettik kompaniialar basqarmasynyń basshysy Ahmad Djan Bilalmen kezdesti. Taraptar qazaqstandyq kásiporyndardyń Aýǵanstan memlekettik kompaniialarymen yntymaqtastyǵyn keńeitý múmkindikterin talqylady.
$140 mln-dyq kelisimder: Qazaqstan–Aýǵanstan biznes forýmynyń qorytyndysy
Serik Jumanǵarin Qazaqstan–Aýǵanstan biznes forýmynyń ashylýyna qatysty. Sharaǵa ósimdik maiy, makaron, kúrishten bastap agrodrondar men akkýmýliatorlarǵa deiingi taýarlardy usynǵan 50 qazaqstandyq kompaniia qatysty.
«Aýǵanstan Ortalyq jáne Ońtústik Aziia arasyndaǵy mańyzdy logistikalyq habqa ainala alady, al Qazaqstan – azyq-túlik, tehnologiia, mashina jasaý, himiia jáne IT ónimderiniń senimdi jetkizýshisi bola alady. Aldymyzǵa ambitsiialy, biraq qoljetimdi maqsat qoiyldy iaǵni, saýda ainalymyn qysqa merzimde $3 mlrd-qa deiin jetkizý. Bul maqsatqa jetý úshin turaqty jetkizý arnalary qurylyp, ózara saýda nomenklatýrasy keńeiip, investitsiialar men kásipkerlik belsendilikke qolaily jaǵdai jasalýy qajet», — dep atap ótti vitse-premer.
Forýmnyń alǵashqy kúniniń aldyn ala qorytyndysy boiynsha shamamen $140 mln somasyna kommertsiialyq qujattarǵa qol qoiyldy.
