فوتو: primeminister.kz
كابۋل قالاسىندا ٶتكەن كەزدەسۋدە قر پرەمەر-مينيسترٸنٸڭ ورىنباسارى – ۇلتتىق ەكونوميكا مينيسترٸ سەرٸك جۇمانعارين مەن اۋعانستان يسلام ەمٸرلٸگٸنٸڭ كەن ٶندٸرۋ جەنە مۇناي مينيسترٸ حەداياتۋللا بادري كەلٸسٸم جاساستى, دەپ حابارلايدى Ult.kz.
كەزدەسۋ بارىسىندا تاراپتار ٶتكەن بٸر جىل ٸشٸندە ٶنەركەسٸپ سالاسىنداعى ەكٸجاقتى قاتىناستاردىڭ ايتارلىقتاي ٸلگەرٸلەۋٸنە ريزاشىلىقتارىن بٸلدٸردٸ. سەرٸك جۇمانعارين اۋعان تاراپىنا قازاقستاننان جەتكٸزٸلگەن گەولوگتاردىڭ قاتتى پايدالى قازبالاردىڭ ەلەۋەتتٸ كەن ورىندارىن زەرتتەۋ بويىنشا دالالىق جۇمىستارىن ۇيىمداستىرۋعا قولداۋ كٶرسەتكەنٸ ٷشٸن العىسىن بٸلدٸردٸ.
«بٷگٸنگٸ تاڭدا قازاقستان گەولوگييالىق بارلاۋ, قاتتى پايدالى قازبالاردى ٶندٸرۋ جەنە ٶڭدەۋ سالاسىندا تەجٸريبەسٸ بار كەسٸبي تاۋ-كەن كومپانييالارى پۋلىن قۇردى. بۇل كومپانييالار ەلەۋەتتٸ كەن ورىندارىن ٸزدەۋگە جەنە ينۆەستيتسييا سالۋعا مٷددەلٸ. وسى باعىتتى تالقىلاۋ ٷشٸن قازاقستاندىق دەلەگاتسييا قۇرامىندا ERG Exploration, Kazakhmys Barlau جەنە قازاتومٶنەركەسٸپ كومپانييالارىنىڭ ٶكٸلدەرٸ كەلدٸ», — دەدٸ سەرٸك جۇمانعارين.
كەزدەسۋ بارىسىندا اۋعان تاراپى ىنتىماقتاستىقتى ودان ەرٸ دامىتۋعا جەنە قازاقستاندىق مامانداردىڭ زەرتتەۋ جۇمىستارىنا قولداۋ كٶرسەتۋگە دايىن ەكەنٸن جەتكٸزدٸ. تاراپتار بارلىق تۋىنداعان مەسەلەلەردٸ جەدەل تالقىلاۋ ٷشٸن بٸرلەسكەن تەحنيكالىق كوميسسييا قۇرۋعا ۋاعدالاستى.
مامىر ايىنىڭ سوڭىندا قازاقستان تاراپى اۋعانستاننىڭ باسقا پروۆينتسييالارىنداعى ەلەۋەتتٸ كەن ورىندارىن زەرتتەۋ ٷشٸن تاعى بٸر ماماندار توبىن جٸبەرمەك. سونىمەن قاتار اۋعان تاراپى قازاقستاندىق تاۋ-كەن كومپانييالارىنىڭ سۇرانىسى بويىنشا تابيعي رەسۋرستاردىڭ راستالعان قورى تۋرالى مەلٸمەتتەر بەرۋگە دايىن ەكەنٸن بٸلدٸردٸ.
سونداي-اق سەرٸك جۇمانعارين اۋعانستان يسلام ەمٸرلٸگٸنٸڭ مەملەكەتتٸك كومپانييالار باسقارماسىنىڭ باسشىسى احماد دجان بيلالمەن كەزدەستٸ. تاراپتار قازاقستاندىق كەسٸپورىنداردىڭ اۋعانستان مەملەكەتتٸك كومپانييالارىمەن ىنتىماقتاستىعىن كەڭەيتۋ مٷمكٸندٸكتەرٸن تالقىلادى.
$140 ملن-دىق كەلٸسٸمدەر: قازاقستان–اۋعانستان بيزنەس فورۋمىنىڭ قورىتىندىسى
سەرٸك جۇمانعارين قازاقستان–اۋعانستان بيزنەس فورۋمىنىڭ اشىلۋىنا قاتىستى. شاراعا ٶسٸمدٸك مايى, ماكارون, كٷرٸشتەن باستاپ اگرودروندار مەن اككۋمۋلياتورلارعا دەيٸنگٸ تاۋارلاردى ۇسىنعان 50 قازاقستاندىق كومپانييا قاتىستى.
«اۋعانستان ورتالىق جەنە وڭتٷستٸك ازييا اراسىنداعى ماڭىزدى لوگيستيكالىق حابقا اينالا الادى, ال قازاقستان – ازىق-تٷلٸك, تەحنولوگييا, ماشينا جاساۋ, حيمييا جەنە IT ٶنٸمدەرٸنٸڭ سەنٸمدٸ جەتكٸزۋشٸسٸ بولا الادى. الدىمىزعا امبيتسييالى, بٸراق قولجەتٸمدٸ ماقسات قويىلدى ياعني, ساۋدا اينالىمىن قىسقا مەرزٸمدە $3 ملرد-قا دەيٸن جەتكٸزۋ. بۇل ماقساتقا جەتۋ ٷشٸن تۇراقتى جەتكٸزۋ ارنالارى قۇرىلىپ, ٶزارا ساۋدا نومەنكلاتۋراسى كەڭەيٸپ, ينۆەستيتسييالار مەن كەسٸپكەرلٸك بەلسەندٸلٸككە قولايلى جاعداي جاسالۋى قاجەت», — دەپ اتاپ ٶتتٸ ۆيتسە-پرەمەر.
فورۋمنىڭ العاشقى كٷنٸنٸڭ الدىن الا قورىتىندىسى بويىنشا شامامەن $140 ملن سوماسىنا كوممەرتسييالىق قۇجاتتارعا قول قويىلدى.
