QR Syrtqy ister ministrligi 2018 jyly 21-22 sáýirde Aýǵanstanda bolǵan terroristik aktilerge bailanysty málimdeme jasady, dep habarlaidy "Ult aqparat".
«Qazaqstan 2018 jyly 21-22 sáýirde Aýǵanstanda beibit adamdardyń ómirin qiǵan terroristik aktilerdi qatań túrde aiyptaidy», - dep jazylǵan QR SIM málimdemesinde.
Sondai-aq, onda aýǵan halqy halyqaralyq arenadaǵy lańkestik áreketterge kezekti ret qarsy turǵany aitylǵan.
«Lańkesterdiń maqsaty - Aýǵanstandaǵy sailaý qarsańynda jaǵdaidy turaqsyzdandyrý. Halyqaralyq terroristik uiymdardyń áskerleri Kabýl eliniń ishki saiasi jaǵdaidy turaqtandyrýǵa baǵyttalǵan kúsh-jigerine kedergi jasai almaityndyǵyna biz senimdimiz», - delingen habarlamada.
Odan bólek, málimdemede Qazaqstan terrorizmniń barlyq túrin aiyptaityny jáne álemdik qoǵamdastyqtyń osy zulymdyqqa qarsy kúresin qoldaityny jazylǵan.
«Biz osyndai adamgershilikke jatpaityn áreketterdiń uiymdastyrýshylary men qoldaýshylary anyqtalyp, qatań jazalanýy tiis dep esepteimiz. Aýǵanstan halqyna jáne úkimetine jáne zardap shekkenderdiń týystaryna qaiǵyryp kóńil aitamyz», - dep málimdedi QR SIM.
