Áýe kompaniialarynyń kiristeri eki esege tómendedi. Negizgi qysqartý jolaýshylar tasymaly boldy. Jolaýshylar bir jyl burynǵyǵa qaraǵanda 38%-ǵa, júk pen jol júgi 19%-ǵa az tasymaldandy, dep habarlaidy Finprom.kz.
Qazan aiynyń qorytyndysy boiynsha áýe kompaniialary júzege asyrǵan jolaýshylar tasymaly qyzmetteriniń baǵasy bir aida 2,4%-ǵa jáne bir jylda 8,5%-ǵa tómendegen.
El óńirleri arasyndaǵy eń arzan baǵa jyl kóleminde elordada (ótken jylǵy qazanǵa qaraǵanda 36,9%-ǵa), Almatyda (28,8%-ǵa) jáne Shymkentte (28,7%-ǵa) tirkeldi.
Elimizdegi 17 óńirdiń 4-ýinde baǵa ósken: Batys Qazaqstan (bir jylda 34,4%-ǵa), Atyraý (13,1%-ǵa), Qaraǵandy (11,6%-ǵa) jáne Qostanai (4,5%-ǵa) oblystary.
Qazaqstannyń kóptegen óńirinde COVID-19 virýsyn juqtyrýshylar sany artty. Bir aida virýsty eń kóp juqtyrǵandar 2 qarashadaǵy jaǵdai boiynsha Shyǵys Qazaqstan, Aqmola, Qostanai, Batys Qazaqstan jáne Pavlodar oblystarynda baiqalady.
Osyǵan bailanysty Qazaqstan memlekettik shekarada shekteý sharalaryn kúsheitedi.
VAK birqatar sheshimder qabyldady: QR aýmaǵynda turýǵa yqtiiarhaty bar sheteldikterge jáne QR azamattarynyń otbasy músheleri sanalatyn sheteldikterge QR memlekettik shekarasyn 90 táýlikte 1 retten asyrmai (buryn – 30 táýlikte) kesip ótýge ruqsat etiledi;
2021 jylǵy 1 mamyrǵa deiin 57 eldiń azamattary úshin vizasyz rejim toqtatylady;
2021 jylǵy 1 qańtarǵa deiin QHR men Úndistannan keletin tranzittik jolaýshylardyń QR aýmaǵynda 72 saǵattyq vizasyz bolýy toqtatylady;
Túrkiiamen halyqaralyq áýe qatynasy aptasyna 33-ten 20 reiske deiin qysqarady.
2020 jyldyń qańtar-qazan ailarynda elimizdiń áýe kompaniialary 4,4 million adamdy tasymaldady – bul bir jyl burynǵy kezeńmen salystyrǵanda 38,2%-ǵa az. Tiisinshe qazan aiynda áýe tasymaldaryn 621,5 myń jolaýshy paidalandy – bir ai burynǵyǵa qaraǵanda 2,1%-ǵa artyq. Alaida 2019 jylǵy «koronavirýsqa deiingi» qazanmen salystyrǵanda birden 19,5%-ǵa az.
Aǵymdaǵy jyldyń on aiynda jolaýshylar ainalymy jylyna 2,1 ese qysqaryp, 6,8 mlrd jkm qurady. Qazan aiynda jolaýshylar ainalymy 917,2 mln jkm qurady – aǵymdaǵy jyldyń qyrkúiegine qaraǵanda 2,6%-ǵa jáne 2019 jyldyń qazanyna qaraǵanda 35,7%-ǵa az. Júk pen bagaj áýe kóligimen 17,5 myń tonna tasymaldandy – bir jyl burynǵyǵa qaraǵanda 18,5% - ǵa az.
Qazan aiynda áýe tasymaldary aǵymdaǵy jyldyń qyrkúiegimen salystyrǵanda 16,7%-ǵa jáne ótken jyldyń qazanymen salystyrǵanda 17,2%-ǵa qysqaryp, 2,1 myń tonnany qurady. Júk ainalymy 42,7 mln tkm qurady – bir jyl burynǵyǵa qaraǵanda 36%-ǵa az. Qazan aiynda júk ainalymy bir aida 26,8%-ǵa jáne 2019 jylǵy qazanmen salystyrǵanda 53,5%-ǵa qysqaryp, 3,6 mln tkm qurady. Áýe kompaniialardyń kiristeri 154,2 mlrd teńgeni qurady – bir jyl burynǵyǵa qaraǵanda aqshalai mánde birden 54%-ǵa az. Tabystyń 94,9%-y jolaýshylar tasymalyna tiesili: 146,4 mlrd teńge, qysqarý – jylyna 2,2 ese. Taǵy 5,1% júk tasymalyna keldi: 7,9 mlrd teńge, bir jyl ishindegi ósim –11,8%.
