Foto: AShM
Qazaqstan men Shvetsiia agroónerkásiptik keshen salasyndaǵy bailanystardy nyǵaityp jatyr, dep habarlaidy aýyl sharýashylyǵy ministrligi.
Aýyl sharýashylyǵy vitse-ministri Erbol Tasjúrekov bastaǵan delegatsiia aýyl sharýashylyǵy ǵylymy, tehnologiialar, bilim berý jáne saýda salasyndaǵy ekijaqty yntymaqtastyqty keńeitý maqsatynda Shvetsiiaǵa jumys saparymen bardy.
Jumys baǵdarlamasy aiasynda Shvetsiia aýyl sharýashylyǵy ǵylymdary ýniversitetiniń (SLU) jáne RISE zertteý institýtynyń basshylyǵymen kezdesýler ótti.
"Qazaqstan álemdegi negizgi bidai eksporttaýshylardyń alǵashqy ondyǵyna kiredi jáne un eksporty boiynsha aldyńǵy qatarda tur. Qazaqstannyń 24 mln gektardan astam egistik alqaptary, rekordtyq ónimderi men tasymaldaýdy sýbsidiialaý baǵdarlamalary Eýropa naryǵynda básekelestik turǵydan artyqshylyqtarǵa ie. Biz EO-men, sonyń ishinde Shvetsiiamen júieli saýdany damytýǵa múddelimiz", — dedi Erbol Tasjúrekov.
Vitse-ministr halyqaralyq ǵylymi yntymaqtastyqtyń mańyzdylyǵyn atap ótip, turaqty aýyl sharýashylyǵy tájiribesin engizý jáne "aqyldy eginshilikti" damytý úshin spýtniktik monitoring, ylǵal ólshegishter, drondar men pilotsyz tehnikany qoldanýdyń ózektiligine nazar aýdardy.
Taraptar birlesken ǵylymi zertteýlerdi, taǵylymdamalardy, sondai-aq tsifrlyq jáne biotehnologiialardy engizý múmkindikterin talqylady. SLU men QazATÝ arasyndaǵy tabysty seriktestikke erekshe kóńil bólindi. Sonyń nátijesinde qazaqstandyq doktoranttar Shvetsiiada taǵylymdamadan ótip, osy eldiń oqytýshylary ǵylymi tálimgerlikke qatysýda.
Al "Trade Scandinavia" kompaniiasynyń bas direktory Dan Olssonmen kezdesý barysynda Qazaqstan astyǵyn skandinaviialyq naryqqa eksporttaý týraly aityldy.
